كورس مجانى بعنوان (أضبط افكارك واعرف افكار الأخرين ) !

الخميس من 6.30 الى 8.30 محاضره مجانيه بالأكاديميه البريطانيه بعنوان ( أضبط أفكارك وأعرف أفكار الأخرين ) الدعوه عامه
الأكاديميه البريطانيه 25 ش طلعت حرب وسط البلد - القاهره
 
~

شير
(=
محاضرة مفيدة ومميزة
ومجانا لا تفوتك الفرصه

فى انتظاركم على خير إن شاء الله !
29/9

أول مره

أحسن أحساس ويمكن يكون أكتر أحساس مختلف هو أول أحساس لأول مره
لأول مره تعمل فيها أى حاجه
بتحس بشعور غريب وأحاسيس جواك تحاول تحسها تانى ممكن متعرفش
وممكن تروح خالص
وممكن تزيد مع ناس

بس حبيت اكتب النوت دا عن بعض الأحاسيس اللى ممكن نعدى بيها واللى أنا عديت بيها
وكل ما أكون فى مكان أو أشوف شخص أفتكر أول أحساس أو بمعنى أصح اول مره

فاكر أول مره حفظت الفاتحه وسمعتها لوحدى ولحد النهارده فاكر أنى حفظتها من الراديو
من غير ما حد يحفظهالى وكأن ربنا اللى حفظهالى

فاكر أول بنت أعجبت بيها وهى طبعا جارتى وكنا فى أبتدائى وكنت شايفها أحسن
بنت فى الدنيا ... دلوقتى بقول سلامه نظرى

فاكر لما نجحت فى اعدادى وجبت مجموع ثانويه عامه ودى اول مره أحس أنى ناجح
وشاطر ومقبول وأشوف دا فى عيون الناس

اول مره وأول يوم أروح فيه الجامعه كنت مبسوط لدرجه أنى كنت بعد الساعات
علشان أروح تانى

فاكر جدا قرارى بأنى أسيب كليه تجاره وأول مره أحس أنى بعمل حاجه صح رغم أعتراض الكل
وأول مره أحس أنى سيد قرارى وأول مره أخاف أوى من ضياع السنين

أحساسى كمان أول مره حضرت لـ د / أبراهيم الفقى فى ساقيه الصاوى وشوفته
وهو نازل من على سلم قاعه النهر والناس بتسقف قوى وحلمت لأول مره بمستقبلى

كمان فاكر اول مره وقفت على مسرح ( مسرح الغد )  وأنا ممثل والاحساس المختلط
لما سيبت التمثيل كنت فرحان لأنى حاسس أنى برضى ربنا وزعلان أنى سيب حاجه ممكن
تكون فيها موهبتى

أحساس عجيب وغريب أول مره أشتغلت فى فندق وكان نفسى أشتغل جدا حتى لو ببلاش
ومع ذلك رفضت أقدم خمور فكان الحل أرجع بتنا كنت راجع سعيد قوى
وأول مره أحس بمعنى من ترك شىء لوجه الله عوضه خيرا منه

أول مره أقف قدام الناس وأتكلم شعور خوف مع تحدى مع توهان بس شعور أول مره أحس بيه

أول مره الناس تسقفلى كنت مبسوط جدا لكان دلوقتى بقى عادى بالعكس بخاف من السقفه
لأنه لحظيه وتخوف لو أتعودت عليها

أول مره أحس يعنى أيه حد مؤمن بيك أكتر منك ( وليد حماد ) وأحساس الصداقه اللى بجد

أول مره أحس بالسعاده بدون سبب واضح لما دربت فى أسكندريه

وفى حاجات كتير قوى ممكن تحس بيها وأجمل أحساس بيكون أحساس أول مره
ودلوقتى انا كاتب ليه كل الكلام دا اللى ممكن يهم ناس وناس لأ
علشان أقولكم أهم أول مره واللى حاسسها قوى دلوقتى ومبسوط بيها
ذنب بدعوا الله انى أتخلص منه من سنين يمكن مابعملوش لكن قلبى ميال له
ضميرى وفطرتى بيحاولوا يبعدونى عنه ونفسى الأماره بتقربنى
الذنب دا كان متاح قدامى وكنت فى حيره بين أنى أرضى نفسى أو أرضى ربى
ولأنى وثقت فى عون ربنا قدر يحمينى من الذنب ورفضته وأنا راضى جدا جدا
وبعدها حسيت أن خفيت وأتشال من على ظهرى وزر وذنب كبير
مهما حاولت أحكى وأتكلم مش هقدر أوصف يعنى أيه تستعين بالله علشان ذنب
بيطاردك من سنين ومره واحده ربنا يصرف قلبك عنه وتنزل دموع من عنيك بحب ربنا
ورضاه عنك
كانت ممكن نفس الدموع تكون دموع الندم

وأخيرا لأصدقائى يرجى عدم السؤال عن الذنب فمهما كان بسيط فقد ستره الله
ولا يجوز لى أن أتحدث عنه

وأخيرا أذكركم بأن من ترك شىء لوجه الله عوضه الله خيرا منه
عارف أن اللى جاى أحسن بكتير وانتم اللى هتحكموا

ودلوقتى راجع حياتك وأحساسك بأول مره وقرر تحس بأحساس التخلى عن الذنب سواء عملته
أو فى ذهنك وتمتع بأحساس أول مره

محمد زكريا
23 - 9 - 2011

القدر وقانون الجذب

كثير من الناس يتابعون قانون الجذب أو ما يطلق عليه ( السر ) ومن الغريب أن البعض يدافع عنه بكل ما يملك من قوه والبعض الأخر يهاجمه بكل ما يملك من قوه وأكثر المعارضين يعارضون لثلاث أشياء
الأول أن القانون يدعوا أن تطلب ما تريد من الكون ..ثانيا أن تطلب ما تريد مره واحده فقط ..ثالثا القدر بأن الكتاب ينافى القدر
والان وبكل موضوعيه نأخذ كل أعتراض ونتحدث فيه ولك الحكم أخى القارىء وقبل ذلك لمن لا يعرف قانون الجذب ( السر ) فهو قانون ينص على أن الأنسان عباره عن مغناطيس يجذب اليك ما تفكر فيه طيله الوقت سواء أفكار ايجابيه أو سلبيه ليضع قاعده أنت ما تفكر فيه
وظنك فى الأحداث يجذبها اليك فلو فكرت بأنك تعيس ستجذب ذلك ولو فكرت فى أنك سعيد ستجذب السعاده وهذا يؤكده الحديث القدسى ( أنا عند ظن عبدى بى فليظن بى ما شاء ) ولمعرفه المزيد عن السر يمكنك عمل بحث على النت تحت عنوان قانون الجذب أو يمكنك مشاهده حلقاتى التلفزيونيه بعمل بحث عن محمد زكريا قانون الجذب والان فلنأخذ الأعتراضات السابقه لنناقشه
الأعتراض الاول يدعو كتاب وفيلم السر أن تطلب ما تريد من الكون والكون سيعطيك ما تريد وهذا الكلام يجعل الكثيرون يقاطعون الكتاب ولكن دعنا نراه من ناحيه أخرى نحن نعرف أن الكون والأحداث وكل شىء بيدى الله الخالق العظيم لذلك كل سعينا ودعائنا له وهذه نظره بها رحمه من الخالق ولكن الغرب لم يصل لهذه الدرجه من الرحمه فوصل بأدراكه للكون ولم يصل لرب الكون فليكن له ما يعتقد ولنا ما نعتقد ونغير كله الكون لننسب الفضل لصاحبه ونطلب من خالق الكون وبارئه ..الأعتراض الثانى أن تطلب ما تريد مره واحده وهذا الأعتقاد منافى لتعليم سيد الخلق محمد ( ص ) وهى الألحاح فى الدعاء وهنا نأخذ بفاعده مهمه جدا وهى ما توافق من العلم مع الدين فهو الحقيقه وما تعارض من العلم مع الدين فالرفعه للدين لأن العلم قد يخطىء أو يرى بنظره قصيره ومحدوده أما الدين من قرأن وسنه هو الصحيح والذى لا يخطىء أبدأ لأن القرأن من الخالق والسنه من نبى الخالق فهنا نرفع رايه ( الالحاح فى الدعاء )الأعتراض الثالث القدر بأن الكتاب ينافى القدر
وهذا لأن الكتاب يدعوا الى أن الانسان بفكره يغير قدره من السلب الى الايجاب أو العكس والمضمون صحيح مع التحفظ فى الصوره التى صورها الكتاب بأن القدر يغير بسهوله وبالاعتقاد الأيجابى فقط
ولكن القدر يغير أو يخفف بالدعاء فالقدر نوعان القدر المحتوم والقدر المعلق فالمحتوم لا يغير والمعلق يغير أو يخفف بالدعاء ونحن نغير قدر الله بقدر الله ..وأنا أميل جدا الى تخفيف وتغير القدر لسبب هام جدا ان لم يغير القدر ويختار الانسان طريقه يكون الانسان مسير وهذا يعارض لفظ الجلاله العدل فكيف يحاسب الله عبده على حياته وهو لا يملك الأختيار أما الاختيار وتخفيف وتغير القدر يؤكد أن الأنسان مخير ودا أكبر دليل على عظمه لفظ الجلاله العدل لذلك الانسان مخير ومسير فى نفس الوقت مخير فى القدر المعلق مسير فى القدر المحتوم لذلك يمكن تغير وتخفيف القدر المعلق ويغير القدر بالدعاء ..
وليكن موضوعنا القادم عن الدعاء . *المدرب المصرى الأول لقانون الجذب. 
نشر فى جريدة العاصمة

صالون الجذب الخامس عشر مع أبله فضيله وأ / أمل مصطفى محمود والقبطانه مروه

ولازلنا نعمل بفضل الله فى عقد لقاءات صالون الجذب
الصالون الشبابى الذى يستضيف المفكرين والنجوم

انت علي موعد السبت 10 - 9 - 2011 في صالون الجذب الخامس عشر
الصالون الشبابى الذى يجمع الشباب بالمفكرين والنجوم والشعراء والاعلاميين

مع الأعلاميه الكبيره / أبله فضيله 


أ / أمل مصطفى محمود 
أبنه د / مصطفى محمود




والقبطانه / مروه
أول قبطانه بحريه مصريه

فى ضيافه المدرب / محمد زكريا
المدرب المصرى الأول لقانون الجذب

ومناقشه حول نجاح المرأه فى العالم العربى
وما هى التحديات التى تواجه الشباب وخاصه البنات
وننهال من خبره الاعلاميه الكبيره أبله فضيله وفتح موضوعات
لأول مره تتحدص عنها

والأجابه على السؤال الهام
أيهما أقوى جذبا لأحلامه الرجل أم المرأه

وكذالك مناقشه مفتوحه وأجابات عن الاسئله مع الضيوف والحضور


موعدنا السبت 10 - 8 - 2011

الساعة 5:30 مساء

شكر خاص لفريق عيد الانتماء منظم الصالون

بمتحف سعد زغلول- ( بيت الأمه )-جاردن سيتي-القاهرة
http://www.facebook.com/pages/Trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/171423026221134