موضوع النهارده فى دماغى من اكثر من ثلاث سنين
بدايه لما كنت فى راديو حريتنا أتعاملت مع بنات كتير دا غير البنات اللى بتحضرلى محاضراتى
وغير البنات اللى بعاملهم فى الميديا وطبعا الصحافيات والممثلات
المهم أنى لاقيت بنات فى كل اللى ذكرته بتردد جمله الشغل أهم من الجواز
وجواز أيه اللى أتجوزوا عملوا أيه
أنا عايزه أينى نفسى ومستقبلى وبعد كده نفكر فى الجواز
واللى تقول مابفكرش فيه دلوقتى خالص أو مش فى الخطه
ويمكن فى الاول بيكون هزار أو بيكون مقصود بس مش بنسبه 100 % الى أن
يجرى العمر ويبدل الأختيار بالأجبار فتنجح الفتاه فى العمل ويسلب العمل شريكها
فى البدايه من قب العشرينات
فى البدايه من قب العشرينات الى أخرها ترة الفتايات نساء مشاهير فيتمنوا أن يكونوا مثلهم
ويبداو فعلا فى الأمتثال بهم وتقاليدهم وبدون وعى يرددوا كلمات مثل النجاح أولا
الشغل وأثبات الذات أهم من الجواز والكلام الفاضى دا
تقول هذا الكلام وهى تملك شبابها وجمالها ولديها العديد من الفرص للزواج ولديها الأختيار
ثم تسحبها دوامه العمل فتنسى فعليا أنها فتاه خلقت لتتزوج وتسحب معها الدوامه جمالها
وتأتى مرحله ما بعد الثلاثين والتى يقل فيها الجمال وهذا أمر طبيعى وبدل من الأعتراف بأنها
كانت مخطئه فى وجهه نظرها تبدأ تتمسك أكثر بها علشان شكلها قدام الناس
حققت النجاح اللى عايزاها ولكن الدنيا خدت اللى هى عايزاه
أعرف بنت عندها أكثر من 30 سنه متعلمه وناجحه جدا ويتمنى الكثير معرفتها
بس معرفتها لأنها الناجحه ولكن لا أحد يتقدم لخطبتها فهى الفانيه للعمل التى أغلقت باب الزواج
بلا وعى
كنت أتحدث معها عن رأيها فى الزواج وبتركيزى على عينيها التى تقول فيها أنى أكذب
ويديها التى تعبر عن رغبه فى عدم الرد تقول
انا أخترت الشغل ولو عايزه أتجوز من بكره هتجوز عفوا سيدتى فرعشه صوتك دليل على كذبك
البنات بقوا يكذبوا على نفسهم بيكدبوا الكدبه ويصدقوها
صدقونى ياجماعه المساواه والحريه والعمل والنجاح والحفر فى الصخر كلام فاضى لو هيكون
على حساب الفطره وهى بناء المجتمع والامه
دخلت علينا مصطلحات غربيه مقرفه تسلب منا فطرتنا
راجعى نفسك
كنت بتفرج على لقاء للفنانه صباح اللى فضلت الفن على حياتها الشخصيه
وردا على سؤال لو الزمن رجع بيكى تختارى الفن ولا الأسره
قالت الأسره والراحه ومش عايزه الفن والشهره
يمكن صباح كانت أجرأ من بنات كتير بتكدب علشان أختارت من الاول غلط
وبتتمسك بغلطها
لو تنازلت الفتايات عن الشعارات الكدابه وكان مطلبهم الأول بناء أسره ونجاحها
ومعه العمل وبناء المستقبل لتقدمنا ولكنا الرجال أول المساندين لهم
أما أصحاب الشعارات اليوم نادمات الغد كاذبات المستقبل
أنا مش ضد عمل المرأه أنا ضد خيبتها ... وشكرا
محمد زكريا
31 - 8 - 2011
أستاذ محمد الكلام جميل وحقيقي ومفيش عليه إلا ملاحظة واحدة كوميدية شوية وهي: إنك مالقتش مثال توضيحي غير صباح؟ طيب دي مفيش لها منافسة في عدد الزيجات يعني الست قامت بدورها وعملت اللي عليها في المجالين (النجاح في العمل،والحياة مع زوج في كل المراحل) وإن تغير هذا الزوج ولكنه كان موجود دائما.يعني كنت لازم تقنع البنات بمثال لواحدة عانس (وما أكثرهن) علشان يعني يكون أثره أقوى.ولك تحياتي
ردحذفازيك يااستاذ محمد موضوع جميل جدااا .بس حضرتك كده فعلا ضد عمل المراه ومش فى النوت دى بس .
ردحذفانا كان عندى تعليق بسيط انا مع حضرتك ان البنت كل مابتنجح كل مافرص زواجها بتقل بس برده لازم كل واحد فينا يثبت ذاته وان كل بنت لازم تفكر فى الاتنين مع بعض ماينفعش موضوع يجى على حساب موضوع تانى .
أزال أحد مشرفي المدونة هذا التعليق.
ردحذفعندك حق جداااا وانا معاك فى كل الى بتقوله بس فيه بنات فعلا الدنيا بتاخدها وبتتعبعلشان ربنا موفقهاش انها تلاقى الى يناسبها بس كويس انها عرفت تنجح فى مجال معين احنا بدل ما ننتقدها نرحمها ومنقولش عليها خيبه ونوبخها نساعدها انها تصلح من حياتها او ندعلها ...رفقا بالقوارير
ردحذفكلامك ليه اتجاهات كثيرة يا بروف .. اولاً حط في حسبانك التقدم الرهيب اللي بقينا فيه ومفروض علينا .. وثانياً .. مفهوم الرجل للرجولة اتغير كتيييييييييير عن زمان للاسف وعلي فكرة في كتير من الفتيات وفي مراكز حساسة ومهمة جدا واعرفهم معرفة شخصية عندهم كامل الاستعداد للرجوع للمنزل وترك عملهم تكون ملكة في مملكتها ولكن هناك ظروف ومتطلبات الحياة التي تجبر في معظم الاحيان الي النزول للعمل .
ردحذفوالذي يضحكك أيضاً ان هناك بعض الرجال يريدون أن يتزوجوا من فتيات لهم وظيفة وهذا شرط اساسي لأتمام الزيجة ..
ولكني اخيراً اتفق معك ان البيت والمنزل رقم " 1" في حياة المرأة اذا توافرت لها الظروف الممكنة فعلاً فعليها ان تنساق الي فطرتها وهو منزلها
انا لا اتفق معك فى المجمل ولماذا لانقول ان ثقافة البنات اضحت تفوق ثقافة الولاد وبات الوصول الى ماتحلم به البنت من سعاده زوجيه مرتبط بثقافة المجتمع المتخلف الذى يجبرها على الزواج ممن يصغرها عقلا وفكرا بسبب ان قطار الزواج فاتهاكما قال النبى صلى الله عليه وسلم (لا تجبر البكر على الزواج) ارى من وجهة نظرى ان الولاد اصبحوا سلعه قليلة الجذب للبنات من اجل هذا لم تجد البنات مفر من هذه السطحيه المتفشيه فى الولاد (الا من رحم ربى)غير ان تحول وجهتا الى العمل
ردحذفالسلام عليكم و رحمة الله أستاذ محمد أنا أتفق معك نسبيا لكن في هذا الزمن هناك العديد من الرجال الذين لا يحترمون النساء و هذا يجعل المرأة تخاف من الزواج فأنا أعرف العديد من الأمثلة عن نساء كن متزوجات لكن ظروف الزواج القاسية مثلا ضرب الرجل لها معاملتها كما لو كانت حشرة و يدوس عليها و يحتقرها للأسف هذه النماذج موجودة و لا يطبقون سنة رسول الله صلى الله عليه و سلم و يأخذون منها ما يرونه صالحا لهم و يتغاضون عن العديد من الأمور التي من شأنها أن تبني بيت حقيقي و هذا ما يجعل هؤلاء النسوة يقررن قرارا آخر هو الطلاق و العودة الى الطريق الآخر طريق الدراسة و العمل و تحقيق الذات "لأنها تكون قد تحطمت و خاب أملها و لا تثق مجددا في الزواج أبدا أو بعد حين " أعرف العديد من الأمثلة عدن الى الدراسة و عملن ,حقا منهن من تزوجن و نجحن في الزواج الآخر و منهن من برفضنه
ردحذفجميل ان المراه تثبت نفسها في العمل بس في الحياه يا محمد وخلينا واقعيين اكتر اصلا فرص الجواز بقيت قليله جدا ولو البنت فضلت اعده في البيت مستنيه الجواز هتموت فالازم نكون اكثر حكمه ونعقل الامور الاول بس انا عوزاك ترد عليا يا محمد في سؤال ليه معظم الرجاله مش بيحبوا شريكه حياتهم تشتغل ويكون ليها نجاح خاص بيها؟
ردحذفالسلام عليكم ورحمة الله وبركاته
ردحذفازيك يامحمد كل سنة وانت طيب
هرد ف كلمتين باختصار
التوازن والوسط حلو ف كل حاجه
يعنى البنت الشاطرة هى اللى تقدر توفق بين الاتنين
تنظيم وقت مع وضع خطه تمام ان شاء الله هيبقى ف توزان
ومش هاقولك ان ف حاجه مش هتاثر ع التانيه
بس يكون تأثر نسبى او كل فترة مثلا
لكن لو هيبقى تاثير ملحوظ يبقى بيتها واسرتها أولى
والرجالة بردو اغلبهم مش بيحبوا زوجاتهم بتشتغل
ليه ميكونش ليهم دور ف تشجيعهم وكمان يساعدوهم ف البيت ومش يتلككوا لو ف تقصير ف حاجه بسيطة
ياسمين
سلام عليكم، الموضوع مهم جدا وانا معاك ف كل حاجة، بس في حاجة تانية وهي ان كتير البنت بتقول كده لأن مالجلهاش الشخص المناسب، والشخص المناسب ده لا يعني الافضل ولا الاغني ولا الاوسم، لكن يعني واحد ماتندمش على تجربة الارتباط بعده ويشاركها مفهوم السعادة، اعرف كتير "ماكانتش خايبة" زي واحدة اتجوزت مهندس، ميسور الحال، حنين على حد قولها، مميزات كتير، بس مش سعداء، مافيش نضج فكري واتطلقوا مرتين والبنت لسا ماتمتش 23 سنة، تجربة الزواج سهلة جدا لو هانتكلم، صعبة جدا لو قررت تدخلها.... وشكرا
ردحذفكمان اضافة، ممكن بدل تسميتها ببنت خايبة، تسميها بنت خايفة وده حقها في زمن زي ده!!
ردحذفالمشكلة ان حضرتك ما قدرتش تفهم البنت دي كويس ... عى أكيد فضلت الشغل لآنها ما قابلتش الانسان المناسب من وجهة نظرها... ودة يمكن أخرها شوية مفيش بنت بترفض الجواز بدون سبب منطقى وع فكرة دلوقتى ... مفيش سن معين للجواز الأهم من التوقيت الشخص وحوالينا تجارب كتيير تثبت كلامي ...
ردحذفمن وجهة نظرى ان الخطأ مش فى رغبة المرأه انها تعمل وتنجح فى حياتها العمليه أما الخطأ عند عدد كبير من البنات وهى المساواه بين المرأه والرجل وهذا فكر خاطىء جدا لان الله لو ارادنا ان نكون متساويين لجعلنا متساويين ولكن المرأه والرجل مكملين ولكل طرف فيهم دور فى الحياه هام جدا
ردحذفالموضوع جميل ... مع انى شاب بس شايف ان تسليط الضوء على " خيابة البنت " او حتى المثال مش موفق ... انا اتفق معاك ان الفطرة هى الجواز والبنات برضو متفقين معانا فى كده ... وحاسس ان السنةفى دينا كانت تزويج البنات فى سن مبكر ... بس الوضع اختلف كتير كتير والدنيا اختلفت .. انا مش بشكك فى تفكير البنات البنات على فكرة بيفكرروا كويس جدا والبنات عنادية كمان .. انا معاك ان الزمن بيجرى ويمكن يجى الوقت اللى البنات تبقى مجبرة تتجوز اى حد ( بالنسبة للى طلعت الجواز من خطتها وركزت على شغلها) .. وشايف ان اكبر مشكلة هاتقابل شباب مصر هى الجواز " ربنا يستر ومتبقاش كارثه "
ردحذف-- الشغل احسن من القعده فى البيت
-- الشغل احسن لو هتساعد اهلها على ظروف الحياة
فى حاجه عاوز اوضحها للبنات اللى بتقول مش لاقيه رجاله بالمعنى والرجاله انعدمت .. مافيش حد كامل الكمال لله .. والحقيقة ان الجواز تحدى صعب وعاوز زوج و زوجه اقوياء
ويااستاذ محمد زى مافى بنات مش عاوزه تتجوز فى شباب مش عاوز يربط نفسه ويشيل مسئوليه
والله الشباب والبنات محتاجين للدعاء وان ربنا يتولاهم برحمته وييسر لهم
ياخونا ظروف البلد صعبة ولو حسبناها بالورقة والقلم يبقى مافيش حد لا هايتجوز ولا ها يتقدم
انا شخصيا عاوزة انجح .. و فى نفس الوقت اتمنى يكون عندى اسرة و بيت و ده اهم من النجاح .. بس ليه متقولش ان بعض الناس بيفرض عليها تدور على النجاح فى العمل لان خيارات النجاح فى الزواج بقت قليلة اوى .. اتمنى يكون عندى بيت و اسرة و لكن للاسف مش لاقية الانسان المناسب و ده مش ذنبى لان ده نصيبى و مفيش واحدة عاقلة هترفض الاستقرار بمزاجها عشان كدة البنات بترفع شعار النجاح فى العمل لان مفيش قدامها اختيار تانى
ردحذفالسلام عليكم . ..المقال ينطبق علي بعض البنات ..بس علي فكرة الجواز سهل جدا جدا الناس هية اللي بتعقد الامور ..الخيارات كتير اوي و الحب الحقيقي موجود بس نادر و قليل جدا اللي بلاقي الشريك المناسب في ظروف كتير بتمنع من الجواز مش الوظيفة ولا التعليم اتمني تكون فهمتني؟؟؟
ردحذف