كبسولات للحفظ السريع

السلام عليكم ورحمه الله وبركاته

أكيد الناس بدأت تذاكر وبدأت تجيلى اسئله كتيره عن المذاكره
فقررت أنى أعمل أكتر من نوت على مدار أبريل
هدفى فيهم هو كيفيه الحفظ
وأنسب الأوقات للحفظ وللمذاكره وطرق مبتكره للحفظ
وأزاى أشغل فصين العقل فى نفس الوقت للحفظ

فى البدايه فى ثلاث جوانب للمذاكره علشان تكون مثمره
1 - الذاكره والحفظ ودا اللى هنعرفه سوا
2- الخرائط الذهنيه ودى تقدر تعمل عليها سيرش وتتعلمها من النت
3- القرأه السريعه ودى لازم تكون عمليا ماينفعش تقرأ فيها كتاب
لأنها قايمه على الممارسه

الذاكره
أول كبسوله هى الايحاء
ناس كتيره بتردد عبارات زى بنسى بسرعه أو عندى ذاكره سمكه
ويمكن يكون كمان متباهى أو بيردد ومش عارف مدى تأثير الكلمات دى عليه
ببساطه أى حاجه حضرتك بتقولها لنفسك وبترددها كتير بتبقى واقع
يعنى الأفضل أنك تردد عبارات زى
أنا بحفظ بسرعه . ذاكرتى حديديه
فى الأول هحس أنى بتضحك على نفسى بس بعد فتره من الترديد
هلاقى نفسى فعلا بحفظ أحسن وبسرعه أكتر

ممكن تعمل التمرين دا وهو سهل جدا
لما تتعرف على ناس جدد جرب مع نفسك تحفظ أسمائهم من أول اللقاء
وأخر اللقاء أتأكد أنك فاكر الأسماء
وأدى لنفسك درجه من 10 على حفظك أو نسبه من 100
جرب تانى وتالت ورابع
المفاجأه أنك هتلاقى الموضوع بقى عاده أنك تحفظ الأسماء بسرعه ومن
أول جلسه

طيب خد دى وحافظ عليها
كل يوم قبل ما تنام ردد اللى عايز تحفظه بصوت مسموع
وخصوصا قبل النوم مباشرا
أول ما تصحى تانى يوم , أول حاجه تعملها بعد ما تشكر ربنا هات الكتاب وراجع تانى
وأوعدك بذاكره حديديه

بسرعه كل يوم قبل ما تنام أستعرض الحاجات الأيجابيه فى يومك
ملحوظه الايجابيه بس والناس الكئيبه بلاش كئابه قبل النوم عندك اليوم طويل

كبسولات سريعه وهنتكلم عنها بالتفاصيل المرات اللى جايه
غير خلفيه الموبايل واللاب بالحاجه اللى بتزود طاقتك

كل 30 دقيقه مذاكره خد 3 دقايق راحه

لو بتذاكر وفجأه روحت تفتح الثلاجه اللى أنت متأكد أو متأكده
أنها مفهاش جديد معنى كده أنك مركز على شق واحد من المخ
وغالبا هيكون الشمال يبقى أعمل خريطه ذهنيه ومنك وفتحت الثلاجه أشرب بقى
على ثلاث مرات لأنها سنه وأذكر أسم الله على الميه قبل الشرب

رتب مكانك وبلاش تذاكر ع السرير وشيل الدبدوب من على مكتبك بعد أزنك
والمره الجايه هقولك تتعامل أزاى مع الكتب
وأزاى تفتح ملف فى مخك بالكتب وأزاى تخلص الكتاب
وتعمل أيه علشان تحفظ وأيه علشان تفهم

المهم دلوقتى بقى دعواتك
وأبعت الكلام دا لأصحابك
وربنا معاك


محمد زكريا
10 - 4 - 2011


منتظر تعليقك او اى استفسار او سؤال هنا او على الفان بيدج
اللينك
http://www.facebook.com/notes/trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/%D9%83%D8%A8%D8%B3%D9%88%D9%84%D8%A7%D8%AA-%D9%84%D9%84%D8%AD%D9%81%D8%B8-%D9%88%D8%A7%D9%84%D9%85%D8%B0%D8%A7%D9%83%D8%B1%D9%87/137877129618647

شير فى الخير
(:

ربنا يوفقكم

معجزه من ربنا وفى مصر

النوت دا بكتبه وأنا كلى فرح ومسئوليه فى نفس الوقت
لما تلاقى معجزات بتحقق قدامك وأنت جزء منها يبقى لازم تحس أحساس مختلف

فى يناير الماضى كتبت نوت بعنوان القتل بلأفكار عن المرأه التى ستقتل أبنها بالأفكار
ودائما ما أحذر من قوه الأفكار
لينك نوت القتل بالأفكار فى أخر النوت الحالى
أم فى أوائل العشرينات من العمر أجمع كل الأطباء أنها لم تنجب مره أخرى
وحالتها طبيا ميئوس منها بالنظره الطبيه
ولكن سبحان الله الذى خلق الداء وخلق له العديد من الدواء

الأم تنتظر موت أبنها وتظن أنها لم تنجب ثانيا هذا حالها منذ 11 يناير الماضى
وبعد لقاء أستمر لمده ساعتين أو أكثر مع نوت فى نفس اليوم تحت عنوان القتل بالأفكار

بدأت الأم تشعر أنها سبب فى مرضها وستكون سبب فى قتل أبنها
ولكن مع جرعات من التفاؤل مصاحبه بدعوات خالصه من أصدقائنا ع الفيس بوك

أتى لى الأن أتصال تليفونى قد يكون من أجمل ما سمعت فى حياتى
من أم تشعر بالفرحه وأول كلمه تردده عمار هيعيش ( عمار أبنها ) عمار هيعيش
فقد حدث ما شكك فيه الأطباء وما قالوا عنه مستحيل قد حدث
حدث الحمل وهذا يعنى أن الأفكار أقوى من الأدويه والأشاعات والاجهزه الطبيه
فهى معجزه من المولى عز وجل
بأن يقول كل المتخصيصين مافيش فايده وتصر الأم على الشفاء من المرض لحفظ الأبن
فيحدث

فشكرا لله رب العالمين كم رزقنا الرحمه والكرم رغم غلق الأبواب فى وجوهنا
وشكرا للأم التى صنعت المعجزه والشفاء من مرض لا يكتب له الشفاء
وشكرا لكل من وقف بجوار الأم لتشفى ولتحمى أبنها من الموت
وشكرا لى محمد زكريا أن كنت سبب بسيط وظيفته تغير أعتقاد لتغير حياه

الام الأن يملائها التفاؤل تحمل بين ضلوعها معجزه شكك كل الأطباء فى حدوثها
أما عنى أشعر بالمسئوليه الكبيره فما ندرسه للناس عن العلاج بالأفكار
وجذب الصحه والشفاء حقيقه حقيقه لا أحد يستطيع نكرانها

من أيام بسيطه كنت أفكر فى علاج مرضى السرطان وكنت خايف من نتيجه العلاج
فاليوم مستعد تماما لأكون سبب جديد فى علاج مئات وألاف وربما ملايين من مرضى السرطان

أشكر كل من يملك أراده
وأشكركم لمساندتى أحبائى وأخوانى القرأ

محمد زكريا
6 - 4 - 2011

نوت القتل بالأفكار
http://www.facebook.com/note.php?note_id=184394681589872

من لم يأتى على الدنيا بزياده فهو عليها زياده

السر يكمن بداخلك
من المهم أن تعرفه ومن الخطر الا تعرفه

 

 

للتعليق على الموضوع على الفيس بوك

http://www.facebook.com/notes/trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/%D9%85%D8%B9%D8%AC%D8%B2%D9%87-%D9%85%D9%86-%D8%B1%D8%A8%D9%86%D8%A7-%D9%88%D9%81%D9%89-%D9%85%D8%B5%D8%B1/137064039699956

mohamed zakaria's photostream

mohamed zakaria's photostream on Flickr.

لعنه قانون الجذب والتخاطر

كلنا عارفين فريق ريال مدريد وأستغربنا جدا لما أتهزم أمام النادى الأهلى
وبدأ الشعب المصرى بخفه دمه يردد أن ريال مدريد أصابتهم لعنه الفراعنه
والان دعنى أستخدم لفظ لعنه فى موضوع أخر أو بالأحر موضوعين

الاول لعنه التلباثى
والتلباثى هو التخاطر طبعا مافرقتش كتير تلباثى من تخاطر نبسط شويه
يقول علما الميتافيزيك كلام كبير برضه ..... طيب يقول علماء فيزيا الكم وهى أحدى فروع علم الفيزياء
أن الانسان بيخرج من عقله طاقه مصاحبه لكل فكره فلكل فكره تردد معين يصاحب الفكره
نبسط شويه ... الأفكار اللى بنفكر فيها زى الحب - الزعل - السعاده - الحزن - النجاح
كل فكره لها تردد طاقى يحمل بطياته الفكره
والتردد الطاقى يعنى تردد غير مرئى يخرج من عقل الانسان مثل التردد الغير مرىء الذى يخرج
من الموبايل لكى تتواصل أو تتصل بموبايل أخر
وبنفس فكره الموبايل يعمل العقل فيخرج الفكره أو الاتصال من عقلك لعقل الأخر الذى تفكر فيه
فيحدث الاتصال بدون أى وسيله أتصال لهذا يتردد عباره توارد الخواطر وهى أن تفكر فى شخص
يتصل بيك فى وقتها

المهم أن أى فكره بتفكر فيها بتخرج من عقلك والأخطر لو بتفكر فى شخص بتروح الطاقه دى للشخص
فتتصل معاه فلو بتفكر أيجابى فى شخص أو بتدعيله هيحس بدا على هيئه طاقه أو راحه فى نفسه
والخطوره كلها لو بتفكر سلبى هتروحله وهنا بقى ربنا يتواله

جورج برنارد شو بيكلمنا على التلباثى أو التخاطر وبيقول أن للتخاطر لعنه زى لعنه الفراعنه
وهى أنى أفكر فى شخص سلبى أو أحس ناحيته بشعور سلبى فيتنقل الشعور دا فى ذرات الهوا
ويؤذى الشخص دا بس المفاجأه أن أنا كمان بتأذى من أذيه الاخرين لذلك ينصح بارنارد شو بعدم التفكير السلبى فى الأخرين
ويروى أنه كان يحاضر فى أحدى المحاضرات وبعد رجوعه للمنزل أحس بتعب فى ظهره والم شديد
وبمراجعه المحاضره وأماكن الجلوس وجد انه كانت هناك سيده تجلس خلفه ولا تحبه وغير مقتنعه بما يقول
وكانت مركزه على ظهر بارنارد شو على نقطه معينه والتى أتضح انها موضع الالم
ودا شىء قريب من الحسد لأن الحسد من لعنات التخاطر

من الاخر ما تفكرش فى حد سلبى لأن اللعنه ممكن تصيبك وتدمر حياتك
الأحسن التسامح وحب الأخرين بلا شرط

كذالك يتعدى البعض حد التخاطر ليصل بالديجافو من الدرجه الثانيه فالدرجه الأولى هى أن يرى الشخص
الشىء الذى يحدث الان وكأنه حدث من قبل أو حلم به
اما المستوى الثانى أن يرى شىء فيحدث بعدها بقليل أو كثير  وفى هذا الموضوع نحتاج نوت أخر
لكى نشرح الترابط بين الديجافو والجذب
والتخاطر والديجافو وخروج الروح من الجسد مع تمرين يشرح ذلك

أما عن الجذب فلعنه الجذب مختلفه
وهى مركزه فى جذب شريك الحياه فى نقطه معينه وهى أن يكون أحد الاطراف مركز على شخص بعينه لجذبه
وهنا يحدث التالى ................ نكمل النوت القادم عن لعته الجذب


محمد زكريا
26 - 3 - 2011
للتعليق
 على الفان بيدج

http://www.facebook.com/note.php?note_id=134735756599451


للتواصل مع المدرب
http://www.facebook.com/pages/Trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/171423026221134

Share

المدرب/محمد زكريا يتحدث عن ثورة 25 يناير على الفضائيه المصرية!

لمشاهدة كل لقائته التلفزيونيه ووفى اكبر الندوات والامسيات
وقريبا برنامج البوابة على اليوتيوب
على
القناة
http://www.youtube.com/user/MrMrmohamedzakaria

وائل غنيم على فين

فى الفتره الأخيره كتر الكلام على أتنين قوى وائل غنيم ومعمر القذافى
القذافى والناس كلها عرفه أنه مش طبيعى وشخصيه غريبه
أنما أنا عايز أتكلم عن شخصيه مصريه حواليها جدل كبير أقربها امبارح وأنا مسافر
أنا وصديقى نهاد رجب أتكلمنا عنه وبعد الكورس سألت عن رأيى فيه
وعلى الفيس حتى الأن أسأل عنه هو وائل غنيم

النوت دا هيتقسم لثلاث مراحل
وائل غنيم الوطنيه
وائل غنيم الخيانه
رأيى فى وائل غنيم

من أكتر الحاجات اللى مينفعش نحكم عنها هى الوطنيه والانتماء لأنها زيها زى الصيام
علاقه بين الشخص وربه متقدرش تجزم أن شخص غير صائم الا بعد أن تراه يأكل
كذالك الأنتماء لا يجوز أن تشكك فى وطتيه شخص الا أذا جزم القضاء بالادله على ذلك
كثير من الناس يرى وائل على أنه مثال للوطتيه وأنه قدوه كبيره والبعض كان يريد أن يرشحه
ليكون لسان حال الشباب
لماذا كل ذلك ؟؟؟ لأننا تعودنا على القائد ... والثوره بدون قائد فبحثنا عن من يمثل الشباب
ولغياب الثقه فى الاحزاب والساسه أيد البعض وائل غنيم
ولكن هل وائل فعلا قائد وزعيم ويستحق أن يمثل الشباب ؟؟
فى وجهه نظرى لأ
وائل مجرد شاب زيه زى أى حد عمل اللى عليه وأنت كمان شاب قد تكون عملت اللى عليك
الفرق بين الاتنين أن اللى يقدر يعمله وائل أكثر بعض الشىء عن ما فعلته أنت
وفى الاخر كل شباب ثوره 25 فى نفس الدرجه خرجوا ووهبوا حياتهم للخطر
فلا يوجد قائد ولا زعيم للثوره ولا وائل غنيم ولا أصحابه ولا 6 أبريل ولا الأحزاب ولا محمد دياب
ولا الممثلين المحترمين المتواجدين فى الميدان
لا يوجد منهم قائد ولا زعيم فكلا منهم فعل ما بوسعه فقط
ياريت منديش الناس أكتر من حقها علشان دا غلط ولا كمان نقلل من جهدهم
فكل من شارك فى 25 يناير شباب وشيوخ وأطفال ونساء كلهم الزعماء والقاده
لذلك وائل غنيم مجرد شاب مصرى فعل ما بوسعه وله الأحترام على ذلك


أما عن الخيانه فحدث ولا حرج أمبارح يكون قائد والنهارده خاين والدلائل هشه وغريبه
وائل غنيم لابس حظاظه زى أحمد العسيلى وقاده الغرب ..... ياخونه
وفى الأخر يتضح أن الحظاظه هى دليل للتضامن مع مرضى السرطان
حاجات غريبه يعنى علشان الحظاظه طيب ما هو قادر يقلعها قبل الحلقات
طيب ما شعبان عبدالرحيم بيلبس لبس غريب زى القذافى يبقى ليه زنب فى قتل الأبرياء فى ليبيا
وأشرف عبدالباقى شبه أوباما يبقى عميل ونقطعه

حاجه تانيه غريبه زعماء الغرب رافعين ثلاث أصابع وصوره تانيه ووائل رافع الثلاث أصابع
ياااااااسلام
طيب واحد بيتكلم قدام التلفزيون ما لازم يبقى فى حركه غير مقصوده قريبه من رفع الأصابع
وأنا تابعت المذيعين لاقيت تلقائيه بعض المذيعين يفعلون نفس وضع اليد وهى عباره عن شىء خاص بوضع
الجسد يفعلها معظم الناس
أيه الأدله الغريبه دى هههههههه
ياجماعه ياريت نركز شويه ومانشييرش أى حاجه مش وثقين فيها وياريت نشغل عقلنا شويه


أخيرا رأيى الشخصى فى وائل غنيم
مجرد شاب مصرى عمل اللى عليه مش هشغل دماغى خاين ولا وطنى لأن النهايه فى الأخر هتتعرف
ماينفعش نعظم منه قوى كده علشان دمعتين نزلهم ولا ينفع نتهمه بالخيانه
الراجل عمل اللى عليه وبس وهو نفسه وأنا وأنت كنا لانتوقع النتيجه العظيمه اللى حصلت
بسبب الثوار وأنا وأنت وأخويا وأخوك ووائل والاعلامين والممثلين المحترمين والسياسين المعارضين
كلنا كل الشعب كان لايتوقع المكاسب العظيمه ولكنه مكر الله سبحانه وتعالى

من الحاجات الجميله جدا للأعلامى محمود سعد لما قالولوا أنت وطنى أنت قدوه وعظموه
قال أنا عملت اللى عليه بس ولأن ناس كتير مابتعملش اللى عليهم فبقى اللى بيعمل اللى عليه بطل

من الأخر أعمل اللى عليك ما تتكلمش عنه ولا بالخير ولا بالشر الا لو متأكد مايه فى المايه
لأن دى مسئوليه قدام ربنا
ماتشييرش على الفيس شىء لا تعرف مصدره

وربنا يديم علينا حب الوطن والأمان

أخوكم
محمد زكريا

25 - 2 - 2011

وائل مجرد شاب مصرى زينا كلنا ... ولا يجوز أن نفخمه أو نخونه

وجدتها حل ليوم الجمعه

السلام عليكم ورحمه الله وبركاته
بقالى يومين بفكر فى يوم الجمعه وهل الصح أنى أنزل ولا أكون فى البيت متابع
ولا فى اللجان الشعبيه
خدت رأى ناس كتير ممكن نعمل أيه يوم الجمعه وهل شرعا ننزل ولا لأ
وهنا تضارب بين القرضاوى وشيخ الأزهر حتى أهل الدين مختلفين
والله أعلم يمكن فى أختلافهم رحمه
قلت أرتكز لعقلى أشوف الجزيره أكره البلد والريس والدنيا
أشوف التلفزيون المصرى الفاشل قنوات بارده وقله أدب
قولت أفكر بالطاقه وقانون الجذب اللى بيقول فى تردد فكرى عام
دلوقتى للناس كله توتر فأكيد هيأثر على تفكيرى وطاقتى
يعنى الحكم دلوقتى صعب جدا والشىء الوحيد اللى هيخرجنا منه
رحمه ربنا

أحيانا الحل بيبقى بين أيدينا ومش شايفينه
الحل أننا نشيل التوتر علشان نعرف نفكر والحل الوحيد اللى بين أيدينا دلوقتى
ومش شايفيته هو القرأن الكريم

والله العظيم الحل دلوقتى فعلا هو القرأن الكريم لأنه بيظبط التردد العقلى
وبيشيل التوتر ويخليك تفكر أحسن
يبقى علشان تاخد قرار أسمع القرأن علشان تطمئن وبعدها صلاه الأستخاره
لأخذ القرار لهذا اليوم

والخطه كالتالى شغل أبتدأ من فجر الجمعه القرأن الكريم فى بيتك
وأذهب لكل جيرانك لتشغيله وكل المحلات المحيطه
بشرط المعامله الحسنه فى القاء الأقتراح على الأخرين

أقسم بالله العظيم لو شغلنا قرأن على قد ما نقدر مع الأخذ يالأسباب
هنقدر فعلا نعدى اليوم دا على خير أبدأ بنفسك

وهذا الكلام مش من باب الدروشه دا كلام علمى خطير بس مفيش وقت
لمزيد من الشرح الوقت دلوقتى للتنفيذ

يارب أنصرنا على أنفسنا
ألا بذكر الله تطمئن القلوب

Share