الأستمتاع

النوت دا هدفه أنى أحسسك بالسعاده أو الأستمتاع أو الراحه أو الهدوء أو الطمأنينه ولو سألتنى أيه الفرق بين كل الأحاسيس دى
هقولك معرفش
بس كلها ليها أحساس تقرييا قريب من بعض أنك بتنسى كل حاجه وبتركز بس فى فكره حلوه بتوصل للأستمتاع
للناس اللى بتحب الهدايا ممكن يكون النوت دا هديه تهدى بيها اللى بتحبهم دا طبعا بعد ما تهدى بيه نفسك
أنا شخصيا بهدى النوت دا لكل اللى يعرفنى واللى ميعرفنيش اللى بيحبنى واللى مابيحبنيش اللى .... الى أخره

الحب متعه .... والسعاده متعه ...  والشوق حتى لو حرق القلب برضه متعه  .... والسفر كمان متعه ...  واللعب متعه .... والتأمل متعه
والسرحان متعه .... واللى بيريحك متعه ..... واللى فى بالك دلوقتى متعه .... وحتى اللى مش على بالك ولا فاكره ممكن يحسسك بمتعه
المهم أنك علشان توصل للمتعه لازم الأول تستمتع
والفرق اللى أنا معرفوش بين الأتنين أن المتعه نتيجه والأستمتاع سبب النتيجه وأن المتعه ممكن تكون داخليه أو خارجيه
أما الأستمتاع لازم يكون قرار داخلى

يلا بقى نبدأ رحله الأستمتاع وأربط تركيزك وسيب نفسك وأسرح معايا فى قلب الأستمتاع
وأنا كبير أقصد دلوقتى ومن كام سنه لقيت نفسى بعمل حاجات ومستمتع جدا رغم أنها مش من طموحى
ولما فكرت ودققت لقيت أن دى أحلامى وأنا صغير اللى نسيتها فى بحر الدنيا
قلت طيب أروح للماضى أجيب كل اللى بيخلينى أستمتع معرفتش ؟؟؟
يمكن لأن الأستمتاع حاله أكتر منه قرار بس الحاله جايه من قرار والقرار بيولد حاله ... أوف بكده ممكن نتعب
يبقى الأحسن نركز ع الأستمتاع

هو ممكن أخد قرار الأستمتاع .... مش عارف
طيب ما نجرب كده
هنبدأ بكلمه أسمها أتمنى عايزك تتمنى حاجه نفسك تعملها فى المستقبل
براحه وبنفس بطىء تخيل
وأبقى أرجع تانى
....
...
..
.
حسيت بأيه

طيب دلوقتى أفتكر حاجه ممكن تضايقك فى المستقبل
ركز .... تخيل وأنا مستنيك
تخيل
....
...
..
.
حسيت بأيه
لو أول مره أنبسطت وتانى مره أتضايقت رغم أنك ولا عملت اللى بتتمناه ولا حصل اللى بيضايقك
يبقى الأستمتاع قرار تقدر تاخده

أول مره أسافر خارج القاهره علشان أدى محاضرات كنت أنا وشاكر ومحمود أمين وكنا مستمتعين جدا
لدرجه أنى فاكر كل دقيقه وأحنا مسافرين أستمتاع غريب وفرحه كبيره وحلم بيتحقق
ومن كام يوم وأنا مسافر وبعد حوالى سنتين من أول رحله حسيت أنى موظف رايح أدى محاضره
أضيقت جدا وأنزعجت قوى أزاى دا حصل فين المتعه اللى كنت بلاقيها فقررت أرجع بالزمن وأجيب شعور أول محاضره
وأن المحاضره دى هتفرق فى حياتى وبدأت أستمتع بكل منظر وأنا مسافر وأفتكر أيام زمان لحد ماوصلت للأستمتاع

أخويا كريم الشاذلى مره سمعته بيقول أن الناس بتأجل الراحه والمتعه لحد ما تنجح ولحد ماتخلص مشاغلها رغم أن المشاغل ما بتخلص ... صدقت
وهنا دور الأستمتاع
الأستمتاع فى الرحله مش فى النتيجه اللى بلاقيها
بص لأى حاجه جنبك دلوقتى وأستمتع بيها وأنا مستنيك
.....
...
..
.

ودلوقتى أفتكر ميزه فى شخصيتك أو فى حياتك وأستمتع بيها وكالعاده مستنيك
....
...
..
.
ما الموضوع سهل طيب فك بقى وأستمتع
أس
تم
تع

بينى وبينك بقى خد الكبسوله دى أوعى أوعى ياصحبى تربط الأستمتاع بنتيجه

يعنى لما أنجح هفرح
لما أشتغل هرتاح
لما أشتهر هرتاخ
لما ... هـ ...
بلاش

أقولك حاجه
أفتح أيدك حرك شفايفك قول أنا مستمتع
غمض عينك أسمع دقات قلبك قول أنا مستمتع
سيب اللى فى أيدك أجرى فى الشقه أو الشارغ قول أنا مستمتع

أخر جاحه ودى لاحظتها وقلقت  شويه بس أطمن
أحيانا لقيت نفسى بقول أنا مبسوط بس من جوايا  مش حاسسها؟
وأحيانا بول أنا متضايق ومن جوا  مش حاسسها ؟
أيه الجنان دا هو أحنا مش فهمين نفسنا

الدنيا بتجرى قوى والمعانى أحيانا بتتلخبط بس المهم أن الأختيار ليك
مهما قلت حاجه وحسيت غيرها أطمن فى الأخر اللى أنت عايزه ومصر عليه هيكون
مهما نفسك أو روحك أو جزء ماتعرفوش جواك لاعبك
وأفتكر أننا قلنا زمان الدنيا لاعبه
النهارده بنقول والأستمتاع ممارسه وخبره

أخر وصيه من أخوك زكريا
أستمتع أستمتع أستمتع
أنا بحاول أستمتع بكل لحظه مها كانت
بفتح أيدى للدنيا وأستمتع
بشوف الناس اللى ماشيه جنبى وأستمتع
حتى لما الاقى واحد رخم بطلع لسانى فى بالى وأستمتع
ولما أشوف اللى برتاحه بستمتع
ولما أحس اللى بحبه بستمتع
ولما أكبر يوم وتزيد خبرتى يستمتع
ولما أقول كلمه وتعجب الناس يستمتع
ولما أغلط وأرجع أصلح غلطى بستمتع
ولما أروح مكان محدش يعرفنى فيه بستمتع

أنا محمد زكريا
أنا مستمتع
16 - 5 - 2011

منتظر تعليقك هنا او على الفان بيدج
اضغط على الاسم
هتدخل ع النوت يمكنك التعليق بسهوله على الفان بيدج
trainer mohamed zakaria

لقاء المذاكرة على الفان بيدج!

ملخص لقاء المذاكرة على الفان بيدج

الاسئلة التى طرحت من الطلبة عن المذاكرة وكيفيه التحصيل الاسهل والامثل والافيد والاجابه عليها
1)أزاى أقسم وقتى وأزاى أبقى متفائل؟

التفاؤل دا ببساطه أنى أركز ع اللى زاكرته مهما كان بسيط ماركزش ع اللى باقى
لأنى لو ركزت ع اللى لسه مازكرتوش هتعب أنما لو قلت أنا زكرت جزء حتى لو بسيط هيساعد فى الباقى
كمان أتخيل نفسى وأنا مخلص الماده وحافظ التخيل بيزود التفاؤل والنشاط
أزاى أقسم وقتى دى بقى فروق فرديه وبتبقى كمان حسب الشخص ونوعيه الدراسه

انما المهم أنى لو هزاكر فى ماده معينه أجيب كل حاجه خاصه بالماده
وبلاش أحط قدامى 100 كتاب أو مواد كتيره لأنها بتساعد ع التشتت


2)أزاى أربط الفقرات ببعض؟
أنا الأول هبدأ أقسم الكتاب الى مجموعات وتحت كل مجموعه كذا عنصر أو فقره

الفقره اللى هقرأها وأفهما هبدأ فى اللى بعدها وبعدين أفكر فى الفقرتين أيه الشىء المرتبط بينهم
أو طريقه تانيه أن الفقره 2 تكون مبنيه أو نتيجه ع الفقره 1 أبنى 2 ع 1
بكده برضه أربطهم


3)عدم الثقة فى المذاكرة ؟
عدم الثقه دى سبب النسيان
هبدأ أفتكر موقف فى حياتى حفظته كويس وأفكر نفسى بما أنى حفظت الموقف أقدر أحفظ البيانات أو المذاكره
لزياده الثقه أتكلم مع نفسى عن نفسى أيجابى وأركز ع المزايا اللى فيا
وبلاش الخوف والتحدث السلبى مع الذات

دا تمرين مهم جدا لزياده الحفظ والثقه فى نفس الوقت
وتمرين سهل تطبيقه
لو اتعرفت ع ناس جديده مثلا 10 بعد اللقاء أبدأ أسمع أسماء الناس وأدى نفسى درجه من 10
وفى كل مره أقابل ناس أعمل نفس الموضوع لحد ما الدرجه تزيد معاها الحفظ والثقه بيزيدوا


4)معظم الطلبة بتعانى من المذاكرة ب(نفسى مسدودة عن المذاكرة) ما الحل؟
نفسه مسدوده عن المذاكره
دا ممكن يكون بسبب كذا حاجه منهم أنه بيدرس حاجه مش بيحبها
أو أنه مرتبط بحاجات تانيه رياضه أو تجاره مثلا

ودا بيخاليه يتضايق وفى الأخر بيتزنق لأنه بيأجل المذاكره
أى قرار ببقى عايز أخده فى المستقبل مخى هيأجله
الأحسن أنى أخد القرارات فى المضارع

أبدأ من دلوقتى قول أنا ببدأ فى المذاكره وبحفظ من دلوقتى بلاش جمله هبدأ وهبقى
دول بيأخروا الواحد


5)السرحان اثناء المذاكرة؟
دا له أسباب منها أننا بنقرأ قرأه بطيئه هتحتاجى تقرأى بسرعه أكتر
كمان أن المعلومات كلها بحته فبنشغل نص المخ الشمال
وبنعطل اليمين فاليمين بيحتاج يشتغل فيسرح
العلاج قرأه سريعه والخرائط الذهنيه

فكره الخرائط الذهنيه سهله جدا بعد اللقاء أعملى سيرش ع جوجل وأتعلمها


6)المراجعه حتى لا انسى ما ذاكرته؟
المراجعه بعدها ب 5 دقائق وبعدها بساعه وبعدها بيوم وبعدها بأسبوع وبعدها كمان بشهر دى معلومه صحيحه ومش هنسى اللى حفظته خالص


7)أحسن وقت للمذاكره وأحسن وقت للمراجعه وأحسن وقت للنوم؟
حسن وقت للمذاكره من بعد الفجر أو بالظبط من الساعه 4 الى 8 ص
دا لأن فى غاز أسمه الأوزون ودا غاز الحفظ بيكون فى الجو

المراجعه من 5 م الى 10

وأحسن وقت للنوم من 10 الى 3 الفجر
الساعه بثلاث ساعات



8)لكل من لا يحب الحفظ ويمل سريعا من المذاكرة؟
كل نص ساعه مذاكره أخد من 3 الى 5 دقايق راحه

كمان للحفظ السريع أحفظ قبل ما أنام بالليل
وأراجع الصبح وأنام ساعه بعد الظهر وأرجع أراجع بعد 5 تانى
دى أسهل طريقه علشان أحفظ بيانات



9)كيفية الحفظ بسهوله؟
فى كذا طريقه للحفظ أولا هعمل خريطه ذهنيه للحاجه اللى عايز أحفظها
بعد كده فى طرق زى أنى أربط المعلومات بجسمى

دا مثال
أركان الأتزان فى الحياه 7
الركن الروحانى
الشخصى
الصحى
العائلى
الأجتماعى
المهنى
المادى

أزاى أحفظهم
حفظ السبع أركان كالتالى
هتخيل نور من ربنا نازل عليا
النور بينزل ع راسى وبعدين جسمى وبيتى ويكتر يبقى ع المحيط الاجتماعى ويوصل للشغل

والربط النور من ربنا يبقى ركن روحانى نزل ع راسى وعقلى يعنى فكر
يبقى ركن شخصى ع باقى الجسم يبقى صحى
فكده روحانى شخصى صحى

ينزل بعد جسمى ع محيط بيتى يبقى عائلى وبعدين محيط أكبر أجتماعى
يوصل للشغل مهنى والشغل يعنى قبض يبقى مادى


ين السماء والأرض
الأنجاز بساوى التحفيز والدافعيه

حفزى نفسك وأدى لنفسك أسباب ليه تكونى سريعه هتكونى
كمان شيل من دماغك أنك بطئيه لأنها هتعطلك وتخليك بطيئ أكتر




10)الخوف من الامتحانات والارتباك عند دخول اللجنة؟

الحل شوفى حد من أصحابك مابيخفش من الأمتحانات وأعرفى أزاى ما بيخفش وأعملى زيه
حتى فى حركه الجسم وأنت داخله تمتحنى
هتلاقى نفسك واثقه من نفسك

كمان تخيل أنك بتدخل نجاوب وواثقه من نفسك
وماترديدش مع نفسك عبارات من نوع ماتخفش وماتقلقش



 11)التوتر فى امتحانات الشفوى؟
اللى فات +
ما ترجعش وأنت رايح أمتحان الشفوى
وأعرف أن الدكاتره ممكن يكونوا مملين بالنسبالك
فأعتبر نفسك فى جيم مش فى أمتحان ولازم تكسب وأنت مستمتع


12)من يشعر ان عند مسكه ورقة الامتحان انه لا يتذكر شيئا مما ذاكره؟
دا طبيعى لأنك متوتر
بكل بساطه
مش هبدأ حل علطول
أنا هدخل اللجنه وأبدأ أكتب أسمى وأكتب أجابه أى سؤال أنا عارفه
وقبل الامتحان أشرب مايه وأفرأ قرأن
وبلاش المراجعه قبل الأمتحان لأنها سبب النسيان

ولو نسيت فى اللجنه مافضلش أضغط ع نفسى أنى أفتكر
الأحسن أسيب الورقه دقيقتين ممكن أستغفر فيهم أو أغير تفكيرى
وأرجع للورقه تانى



13)للى مش عارف يجمع المعلومات او يفتكرها بشكل منظم؟
أقولك ع حاجه تساعدك جدا ع المشكله دى
انك تذاكر مع أصحابك
واحده أو أتنين بالكتير

وتشرحوا لبعض دا مش هيخلى المعلومات تدخل فى بعض

أنما وأنت لوحدك بتسرح فالمعلومات بتسيح ع بعض



ربنا يوفقكم وينفعكم بما علمتم وتعلمتم
شير فى الخير
زكاة العلم نشره ونفع احد اخر به
(:

لاى سؤال او استفسار عن اى شىء اترك سؤالك على حائط الفان بيدج

http://www.facebook.com/pages/Trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/171423026221134

فيلم السر- قانون الجذب

لاى سؤال واستفسار عن قانون الجذب
يمكنكم سؤال
المدرب المصرى الاول لقانون الجذب/محمد زكريا

على حائط الفان بيدج

trainer mohamed zakaria
http://www.facebook.com/heba.samy1?success=1#!/pages/Trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/171423026221134

درب من الجنون

 

يمكن النوت دا يكون فعلا درب من الجنون أنى أكتبه 
بس أنا حاسس أن نيتى كويسه وممكن يفرق مع ناس
بتفكر نفس التفكير ومش لاقيه جواب شافى أو منطقى 
يمكن ناس تزعل منى لكن أنا متعود أكتب وجهه نظرى بعد أن 
أمر بها على الشريعه السمحاء فأنا لم أكتب يوما لرضى الناس
وأدعوا الله الا أكتب لرضى الناس 
أنا أكتب ما أؤمن به حتى لو عارضنى الناس أو هتفوا لى ففى الأخر 
تبقى لى رؤيتى ووقفاتى مع نفسى أما النيه فلله ولا يجرؤ أحد على
التحدث عنها لأنها من بواطن الامور التى لا يعلمها الا الله الحق

وأنا صغير كنت بسأل أسأله زى أى طفل والاجابات كانت غير منطقيه لطفل
هو ربنا فين ... ؟ فى السما
طيب أزاى فى السما وأنا ببص لفوق ومابشفوش وطبعا الرد بس حرام 
طيب ربنا شايفنى ... ؟ طبعا طيب لما أدخل مكان مقفول هيشوفنى أزاى
هيشوفك لأنه بيشوف كل حاجه بالنسبه لطفل أجابه غير منطقيه 
لأن عقلى المعلوماتى البحت الصغير مش هيوافق على أجابات من النوعيه دى
بس لما كبرت معرفتش الأجابه أنما حسيتها ودى من جمال ربنا
أنى أعرف أجابه الأسئله وأقتنع بيها جوايا بس معرفش أشرحها

وأسئله كتير كانت أجابتها غير منطقيه زى ربنا بياكل الرد لأ أنا أستغرب طيب عايش أزاى
يمكن بعقلك دلوقتى بتقول أستغفر الله العظيم بس وأنا طفل ماكونتش أعرف أقولها
ولا أعرف معناها

يمكن أول حاجه حبيبتنى قوى فى ربنا لما حفظت الفاتحه من غير ما حد يحفظهالى 
وكنت صغير جدا وحاولت أسمعها لقيتنى حافظها أزاى وأمتى .... الله أعلم 
حسيت أن فى قوه ممكن تحسها بس صعب تعبر عنها 

لما كبرنا كلنا عرفنا أن فى أسئله ماينفعش نسأله ببساطه لأنها ممكن تودينا
فى سكه غلط ... ممكن يكون دا صح 
بس الغلط أننا نعلق كل أسئلتنا على شماعه أوعى هتروح سكه اللى مابيرجهش
لحد ما بقى الدين عاده ووراثه من غير فكر والأختلاف فى الرأى مع العلماء جريمه 
والانتماء لتيار معين يعنى عداء الأخر من غير ما أحس 
وبقى الحاجه الوحيده المسموحه لينا التمسك بالرأى مهما كان غلط 
حاسس أن الموازين فيها حاجه غلط 
ولو السؤال حرام يبقى أزاى هنجاوب على مائات الأسئله المحيره جوانا

ببراءه وساذاجه الأطفال هسأل السؤال اللى محيرانى
هو الغير مسلمين هيدخلوا النار دا زائد طبعا المسلمين العاصين
طيب هو ممكن واحد يكون أى دين غير الأسلام وبيعبد ربنا ومتفائل برحمته 
ويدخل فى الاخر النار 
أو واحد مابيأذيش الناس ومعلمته كويسه مع الناس وبيراعى ربنا بس مش مسلم 
ويدخل النار 
وأكيد المسلمين كمان بالنسبه لغير المسلمين هيدخلوا النار
يانهار أبيض دا كده كل الناس هتتدخل النار
فى حاجه مش مفهومه يا أما أنا لسه ساذج قوى
يا أما أحنا فهمين الدين غلط 
مش يمكن كل واحد بالنسباله دينه الصح اللى هو بيمثل الأسلام عندنا
فيبقى كلنا فى الاخر مسلمين فندخل الجنه الا طبعا الخارجين عن المنهج 
وأقصد بالمنهج المنهج اللى أختاره 
عارف أن فى ناس بتسب وتلعن دلوقتى بس خليك معايا للأخر

أحنا موتنا السؤال جوانا فبقينا مسخ 
أعتقد أننا كلنا كبشر صغيرين قوى أننا نفهم حقيقه أنا مش عارفها بس فى زاويه أو ركن 
مش مفهوم وأعتقد اننا مش هنفهمه لأن دى سر الحياه الأختلاف

المهم من الفكره دى طلعت بحاجه 
أنى مليش دعوه بدين أى حد تانى حتى لو هو فى نفس دينى بس فى تيار تانى 
مليش دعوه بيه ودى مش سلبيه قد ما هى أقتناع أنه أختار بفكره 
وأنا أخترت بفكرى فكل واحد صح بالنسباله 
أما عن الدعوه للدين اللى أحنا مطالبين بيها هعملها بس بطريقتى اللى هى صح فى 
وجهه نظرى 
هقوى أيمانى بحب ربنا وهتكلم مع الناس على دينى من غير تجريح وهشتغل على نفسى
وهظهر عظمه دينى فى عملى مش فى جدال ومناظرات وكلام فارغ 
وبالطريقه دى أكون عملت اللى عليا ولو غيرى شافنى وأقتنع ممكن ينتمى لدينى 
أو وجهه نظرى

أخيرا دا سؤال من مئات الأسئله فى بالى 
شكرا لقرأتك النوت وأرجوك لو هتعلق تخلى عن شيئين 
الأول أنك تشتم لأنك هتشيل ذنب
الثانى أنك تجادل سواء تجادلنى أو تجادل غيرى

أسمى محمد زكريا 
مسلم وأفتخر 
لا اله الا الله سيدنا محمد رسول الله


27 - 4 - 2011


منتظر رأيك وتعليقك
هنا او على الفان بيدج
http://www.facebook.com/notes/trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/%D8%AF%D8%B1%D8%A8-%D9%85%D9%86-%D8%A7%D9%84%D8%AC%D9%86%D9%88%D9%86/141440969262263

 

شير فى الخير
(:

الحصاله

هشام الجخ ... عمرو قطامش من الشخصيات اللى أشتهرت مره واحده 

ويمكن ناس كتير بتقول دا حظهم عالى 

بس الكثير ميعرفش أن هشام بيقول شعر وبيحاول ينجح بقالوا أكثر من 13 سنه

وعمرو بيسعى بقالوا سنين بيدور ع الفرصه 

هشام وعمرو وغيرهم كتير أطبق عليهم مبدأ الحصاله اللى ممكن يطبق عليك فى أى وقت 

زمان واحنا صغيرين كنا بنحوش الفلوس فى الحصاله ممكن تحرم نفسك من حاجه علشان تحوش

وممكن تحوش الزياده منك وبعد فتره تبدأ تفتح الحصاله وتنغنغ نفسك وتخدلك يومين 

والمبدأ دا مش بيطبق بس ع الفلوس دا كمان ع الجهد والأفكار

يعنى حضرتك تشتغل وتتعب وتأخد أقل ما انت متوقع تخلص فى شغلك قوى والنتيجه مخزله

وطبعا تتضايق وتتعب لأنك ببساطه متعرفش مبدأ الحصاله أنك جزء من جهدك بتاخده دلوقتى 

والجزء التانى فى الحصاله بيزيد تلقائى 

فلما الحصاله تتفتح تلاقى فتح كبير قوى من ربنا عليك تستغرب وتقول أزاى أنا زمان كنت بعمل أكتر من 

كده منجحتش ليه وناسى أن اللى فى الحصاله نتيجه لجهد دلوقتى وزمان

حواليا ناس كتيره بتملى حصلتها دلوقتى ومنهم محمد شاكر وسيد شعبان وأسلام حمزه وغيرهم 

وهيجى يوم بأذن الله الحصاله تتفتح ويلاقوا أضعاف أضعاف النجاح

أما عن حصلتى أنا فبحاول أملاها بطريقه مختلفه 

بحاول أكون سعيد بكل لحظه فى حياتى يعنى أنا دلوقتى مش معايا عربيه وخلال شهور هجيبها بأذن الله 

فكل مواصله بركبها دلوقتى هى جزء من جهد بيروح للحصاله بحاول أستمتع بكل خطوه لأن الحصاله لما تتفتح 

الله أعلم هعرف أمشى بحريه زى الاول ولا لأ

يعنى بمشى وبجرى فى الشارع وبأكل وأنا ماشى وبفتح أيدى ع الأخر وأحضن الدنيا

ياترى لما الحصاله هتتفتح هعرف أعمل كده 

من الناس اللى الحصاله عندها أتفتحت من سنين وربنا كرمه ببقائها الشيخ محمد متولى الشعراوى

حصلته كانت له ولأولاده اللى عايشين ع سيرته الطيبه رافعين راسهم لأفضل حصاله أتفتحت فى عهدنا

أتعلمت منه حاجاتين 

الاولى أنكسار النفس 

والثانيه التواضع والبساطه 

ودول أقوى سرين للنجاح

الأنكسار لله بيديك قوه وكاريزما وحضور قوى والبساطه بتديك سحر

أوقات الناس بتسقفلى ونفسى بتفرح وأرجع أأنب نفسى دول بيسقفوا لعظمه الله مش ليكى

أنت زيك زى أى حد بس حكمه ربنا وأرادته هى اللى عايزه كده 

حاجه كمان أتعلمتها من الحصاله أن أفكارى ونجاحى هو هبه من الله وهو تجسد لأراده الله

علشان كده عمرى ما أتذل لبشر أو أنافقه لأن ببساطه أراده الله لا تنحى لبشر وليس لى أن أفعل ذلك 

أنا وكل من يبحث عن النجاح سنصل بأذن الله وتفتح الحصاله فلا داعى للنفاق أو الذل 

علشان كده أتعلمت أطلب بعزه نفس 

أخر حاجه بقى هى ياترى لما الحصاله تتفتح هعرف أستمتع بحياتى زى دلوقتى علشان كده بحاول أستمتع بكل لحظه مع أصحابى

لشىء بسيط ممكن حصلتى تتفتح بره مصر فأبعد عنهم 

وممكن هما اللى حصليتهم تتفتح فالدنيا تاخدهم 

فى النهايه 

الدنيا حصاله بتحوشلك أحساسك ونجاحك وبتزوده أوعى تندم ع اللى فات وحط فيها ع قد ما تقدر لوجه الله

وأستمتع بحياتك وبالوقت الحالى قوى 

وكلمه ثقه فى الله حصلتك هتتفتح هتتفتح فعيش الدنيا بالحب

محمد زكريا 

19 - 4 - 2011

للتعليق ع الفان بيدج الخاصه بالمدرب ومعرفه الأخبار الجديده

يمكنك الضغط على الرابط

http://www.facebook.com/pages/Trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/171423026221134

كبسولات للحفظ السريع

السلام عليكم ورحمه الله وبركاته

أكيد الناس بدأت تذاكر وبدأت تجيلى اسئله كتيره عن المذاكره
فقررت أنى أعمل أكتر من نوت على مدار أبريل
هدفى فيهم هو كيفيه الحفظ
وأنسب الأوقات للحفظ وللمذاكره وطرق مبتكره للحفظ
وأزاى أشغل فصين العقل فى نفس الوقت للحفظ

فى البدايه فى ثلاث جوانب للمذاكره علشان تكون مثمره
1 - الذاكره والحفظ ودا اللى هنعرفه سوا
2- الخرائط الذهنيه ودى تقدر تعمل عليها سيرش وتتعلمها من النت
3- القرأه السريعه ودى لازم تكون عمليا ماينفعش تقرأ فيها كتاب
لأنها قايمه على الممارسه

الذاكره
أول كبسوله هى الايحاء
ناس كتيره بتردد عبارات زى بنسى بسرعه أو عندى ذاكره سمكه
ويمكن يكون كمان متباهى أو بيردد ومش عارف مدى تأثير الكلمات دى عليه
ببساطه أى حاجه حضرتك بتقولها لنفسك وبترددها كتير بتبقى واقع
يعنى الأفضل أنك تردد عبارات زى
أنا بحفظ بسرعه . ذاكرتى حديديه
فى الأول هحس أنى بتضحك على نفسى بس بعد فتره من الترديد
هلاقى نفسى فعلا بحفظ أحسن وبسرعه أكتر

ممكن تعمل التمرين دا وهو سهل جدا
لما تتعرف على ناس جدد جرب مع نفسك تحفظ أسمائهم من أول اللقاء
وأخر اللقاء أتأكد أنك فاكر الأسماء
وأدى لنفسك درجه من 10 على حفظك أو نسبه من 100
جرب تانى وتالت ورابع
المفاجأه أنك هتلاقى الموضوع بقى عاده أنك تحفظ الأسماء بسرعه ومن
أول جلسه

طيب خد دى وحافظ عليها
كل يوم قبل ما تنام ردد اللى عايز تحفظه بصوت مسموع
وخصوصا قبل النوم مباشرا
أول ما تصحى تانى يوم , أول حاجه تعملها بعد ما تشكر ربنا هات الكتاب وراجع تانى
وأوعدك بذاكره حديديه

بسرعه كل يوم قبل ما تنام أستعرض الحاجات الأيجابيه فى يومك
ملحوظه الايجابيه بس والناس الكئيبه بلاش كئابه قبل النوم عندك اليوم طويل

كبسولات سريعه وهنتكلم عنها بالتفاصيل المرات اللى جايه
غير خلفيه الموبايل واللاب بالحاجه اللى بتزود طاقتك

كل 30 دقيقه مذاكره خد 3 دقايق راحه

لو بتذاكر وفجأه روحت تفتح الثلاجه اللى أنت متأكد أو متأكده
أنها مفهاش جديد معنى كده أنك مركز على شق واحد من المخ
وغالبا هيكون الشمال يبقى أعمل خريطه ذهنيه ومنك وفتحت الثلاجه أشرب بقى
على ثلاث مرات لأنها سنه وأذكر أسم الله على الميه قبل الشرب

رتب مكانك وبلاش تذاكر ع السرير وشيل الدبدوب من على مكتبك بعد أزنك
والمره الجايه هقولك تتعامل أزاى مع الكتب
وأزاى تفتح ملف فى مخك بالكتب وأزاى تخلص الكتاب
وتعمل أيه علشان تحفظ وأيه علشان تفهم

المهم دلوقتى بقى دعواتك
وأبعت الكلام دا لأصحابك
وربنا معاك


محمد زكريا
10 - 4 - 2011


منتظر تعليقك او اى استفسار او سؤال هنا او على الفان بيدج
اللينك
http://www.facebook.com/notes/trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/%D9%83%D8%A8%D8%B3%D9%88%D9%84%D8%A7%D8%AA-%D9%84%D9%84%D8%AD%D9%81%D8%B8-%D9%88%D8%A7%D9%84%D9%85%D8%B0%D8%A7%D9%83%D8%B1%D9%87/137877129618647

شير فى الخير
(:

ربنا يوفقكم

معجزه من ربنا وفى مصر

النوت دا بكتبه وأنا كلى فرح ومسئوليه فى نفس الوقت
لما تلاقى معجزات بتحقق قدامك وأنت جزء منها يبقى لازم تحس أحساس مختلف

فى يناير الماضى كتبت نوت بعنوان القتل بلأفكار عن المرأه التى ستقتل أبنها بالأفكار
ودائما ما أحذر من قوه الأفكار
لينك نوت القتل بالأفكار فى أخر النوت الحالى
أم فى أوائل العشرينات من العمر أجمع كل الأطباء أنها لم تنجب مره أخرى
وحالتها طبيا ميئوس منها بالنظره الطبيه
ولكن سبحان الله الذى خلق الداء وخلق له العديد من الدواء

الأم تنتظر موت أبنها وتظن أنها لم تنجب ثانيا هذا حالها منذ 11 يناير الماضى
وبعد لقاء أستمر لمده ساعتين أو أكثر مع نوت فى نفس اليوم تحت عنوان القتل بالأفكار

بدأت الأم تشعر أنها سبب فى مرضها وستكون سبب فى قتل أبنها
ولكن مع جرعات من التفاؤل مصاحبه بدعوات خالصه من أصدقائنا ع الفيس بوك

أتى لى الأن أتصال تليفونى قد يكون من أجمل ما سمعت فى حياتى
من أم تشعر بالفرحه وأول كلمه تردده عمار هيعيش ( عمار أبنها ) عمار هيعيش
فقد حدث ما شكك فيه الأطباء وما قالوا عنه مستحيل قد حدث
حدث الحمل وهذا يعنى أن الأفكار أقوى من الأدويه والأشاعات والاجهزه الطبيه
فهى معجزه من المولى عز وجل
بأن يقول كل المتخصيصين مافيش فايده وتصر الأم على الشفاء من المرض لحفظ الأبن
فيحدث

فشكرا لله رب العالمين كم رزقنا الرحمه والكرم رغم غلق الأبواب فى وجوهنا
وشكرا للأم التى صنعت المعجزه والشفاء من مرض لا يكتب له الشفاء
وشكرا لكل من وقف بجوار الأم لتشفى ولتحمى أبنها من الموت
وشكرا لى محمد زكريا أن كنت سبب بسيط وظيفته تغير أعتقاد لتغير حياه

الام الأن يملائها التفاؤل تحمل بين ضلوعها معجزه شكك كل الأطباء فى حدوثها
أما عنى أشعر بالمسئوليه الكبيره فما ندرسه للناس عن العلاج بالأفكار
وجذب الصحه والشفاء حقيقه حقيقه لا أحد يستطيع نكرانها

من أيام بسيطه كنت أفكر فى علاج مرضى السرطان وكنت خايف من نتيجه العلاج
فاليوم مستعد تماما لأكون سبب جديد فى علاج مئات وألاف وربما ملايين من مرضى السرطان

أشكر كل من يملك أراده
وأشكركم لمساندتى أحبائى وأخوانى القرأ

محمد زكريا
6 - 4 - 2011

نوت القتل بالأفكار
http://www.facebook.com/note.php?note_id=184394681589872

من لم يأتى على الدنيا بزياده فهو عليها زياده

السر يكمن بداخلك
من المهم أن تعرفه ومن الخطر الا تعرفه

 

 

للتعليق على الموضوع على الفيس بوك

http://www.facebook.com/notes/trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/%D9%85%D8%B9%D8%AC%D8%B2%D9%87-%D9%85%D9%86-%D8%B1%D8%A8%D9%86%D8%A7-%D9%88%D9%81%D9%89-%D9%85%D8%B5%D8%B1/137064039699956