أرجوكم أقرأوا النوت بالله عليكم

ناس كتير بتبعتلى على رأيى وتقولى أعمل حاجه
أنا مشلول من اللى بيحصل


أمبارح كنت فى المظاهرات بنادى بحقنا وحق مصر وحق ناس أتظلمت
وناس باتت فى الشارع وناس أتقتلت وأم بتبكى على أبنها
وشاب كبر لقى مجتمع فاسد
أتكلمنا وعلينا صوتنا وبصراحه قلينا أدربنا على مبارك


وأن كان فى نظرى يستاهل الحرق بجاز وسخ على اللى عمله فينا
بس دلوقتى حاسس بفتنه كبيره الموضوع مش بقى شباب بتدور على حقها
الموضوع كبر قوى بقى فتنه
ودخل فيه المصالح


بالله عليكم علشان البلد دى تفضل فى أمان حاول تفكر فى كل كلمه
قبل ماتقولها ممكن كلمه تشحن الناس وزنبهم يبقى فى رقبتك ليوم القيامه


الموضوع دلوقتى عدى مبارك والمعاضه ومابقاش ثوره شباب
الموضوع بقى فتنه
الفتنه أشد من القتل


ياجماعه ندى الناس دى فرصه مش علشان مبارك صعب عليا ولا علشان
كلامه زكى وضحك عليا لأ والله بس علشان ممكن تكون نيتنى خير وتتقلب بفتنه
ربنا أعلم باللى بيا دلوقتى واللى بيك أنت كمان
بس خد بالك من كل كلمه بتقولها


ولو خايف أن مبارك يرجع فى كلامه مش هقولك فى ضمانات بس هقولك الاكبر أنت سايب لربنا ولو مبارك حاول يكون مكار أو غدار فمكر الله شديد
مكر الله هو اللى خله ذكاءه يخونه وشباب تطلع تخسف بيه الأرض


بالله عليك حاول تهدىء وتهدىء اللى تقدر عليه
حاسس بمسئوليه كبيره
لو البلد دى خربت  مش هسامح نفسى حتى لو مليش زنب وأنت كمان


مش بقول أدى فرصه لحكم مبارك بس بقول أدى فرصه لنفسك تعامل ربنا
ولو مش مقتنع بكلامى قوم صلى أستخاره واللى ربنا يهدى قلبك له أعمله


فى ناس كتير بياخدها الحماس بس والله العظيم ممكن بعد كده نندم ونندم قوى
لازم يكون عندنا ثقه فى ربنا أن هو اللى ساعدنا فى ثورتنا وهو اللى هيوفقنا
الموضوع بدأ حلو مش عايزينه ينتهى بخيبه أمل


أسف لو فى كلام مش واضح أو كلمه خارجه
بس ربنا يعلم باللى حاسس بيه
أخوكم
محمد زكريا

القتل بلأفكار

القدر
كلمه حساسه والناس بتخاف تتكلم عنها فهى منطقه محظوره
بس أنا قررت أتكلم عنها
لما تدمر مستقبلك يبقى لازم أتكلم
 لما تروج لأفكار تأذى اللى حواليك لازم أتكلم
ولما أم تقتل أبنها يبقى لازم اتكلم

عمرها حوالى 25 سنه متجوزه وعندها أبن
كانت مرتبطه قبل الجواز بشخص ما ولم يتم الزواج
فقال الشاب للفتاه لو اتجوزتى غيرى هتخلفى ولد بس
وبعدها مش هتخلفى تانى وبعدها أبنك هيموت

أثناء الخطوبه بينهما رأى شاب سلوكه أجراميه وقال عليه
 الولد دا هيضرب بالنار وحدث فعلا وضرب الشاب بالنار
وبعد فسخ الخطوبه
وبعد أن تزوجت بأخر وأنجبت أول أطفالها

ولك المفاجأه أنه ولد وأول وأخر طفل لماذا؟
لأن الرحم أنقلب ولم تنجب ثانيه
فنبؤه ضرب النار حدثت ونبؤه أنجاب الولد حدثت ونبؤه عدم الانجاب
مره أخرى حدثت والأن باقى أخر نبؤه موت الطفل

تخيل لو أنت فى مكان الأم أم تربى طفل للموت
تتسأل كل يوم هل سيعيش أم سيموت
لو انت  أو أنتى مكانها هتعملوا أيه
هل دا قدر

هل كل ما حدث فعلا تنبؤات وحدثت وسيحدث أخرها
أم أن الأم هى من جذبت لحياتها كل الأحداث

والسؤال لكل من يعترض على قانون الجذب ..... أتفضل حل
لكل من يتكلم عن الدين أنه عذاب القبر والثعبان الأقرع ..... أتفضل حل

الناس بتموت بعض بيموتوا بعض بأفكارهم
عندى تفسير لكل ما حدث حتى لما هذا الشخص عرف ما حلمت به
الفتاه وأتصل ليخبرها بحلمها صباحا
عندى تفسير ومش هقوله

هسيبك تدور وتحل وتقرر وياريت تقدر تساعد
فتاه عندها 25 سنه منتظره القدر وموت أبنها

ودى مش أول حاله فى ناس كتير ماتت بنفس الطريقه
وأعرف ناس موتوا ناس بأفكارهم

والله أعلم أحنا عملنا أيه فى اللى حوالينا بأفكارنا
وأيه ذنب طفل يكون عرضه للموت بسبب أفكار ناس تانيه

مش عايز حد يعلق ولا عايزك تكتب كلام يعجبنى
ولا حتى عايزك تهاجمنى بكلمتين حافظهم
كل اللى عايزه أنك تفكر


وعلى فكره أحتمال أمسح النوت دا قريب
محمد زكريا
10 - 1 - 2011

سناءاتك برجالاتك

كل عام وأنت بخير وسنه جديده سعيده عليكم ومرحب بكل الحب بعام 2011
المولود الجديد أول حاجه بتتقاله حلقائتك برجالاتك بفرحه وسعاده

أنا عايز أقولك لأستقبال العام الجديد سناءاتك برجالاتك سنه جديده سعيده يارب

دلوقتى كلها كام ساعه ونبقى فى سنه جديده كام ساعه ونودع الماضى 2010
ونستقبل المستقبل 2011
الماضى 2010 فيه لحظات سعاده وحزن حب وكره وفوق ونحب وأبيض وأسود
وبما أنها بقت ماضى فأكيد هناخد منها بس الخبرات والتجارب اللى هتفيدنا فى
المستقبل 2011 اللى هنستقبله بحب وسعاده وأهم حاجه قرارت جديده

قعدت مع نفسى رجعت السنه اللى فاتت وأنا فين على الخريطه عملت أيه وفرحت بيه
وغلط فى أيه وأزاى ممكن أصلح الغلط
رجعت كميه المعلومات اللى أكتسبتها وأزاى احافظ عليها وأوصلها للناس
وحددت المعلومات اللى محتاجه وعلى رأسهم التركيز على الدين والتاريخ

ومن أول قرارات 2011 كتاب ( .........) لو بتقرأ النوت هقولك على الأسم  وفكرته قريب
ولو بتقرأ الكتاب راجع الغلاف

ودلوقتى سيب كل جراحك وأحزانك وغلطاتك وراء ظهرك وأستقبل العام الجديد
كالفطل الجديد اللى بيستقبل الدنيا بقلب مفتوح للحب والتعلم والخير
بس الفرق بينك وبين الطفل أنك فى سعادتك راجل فى قراراتك غنى بخبراتك

ودلوقتى بما أن دا أخر نوت لعام 2011 وأخر مقال بكتابى ياريت
تحدد أشخاص عايز تحافظ عليهم فى حياتك وتبعتلهم رساله تهنئه وحب
وأشخاص علاقتك بيهم متوتره وتقوى العلاقه وتجددها وتحافظ عليها
أشخاص بينكم زعل وأنهى الزعل وأبدأ سنه جديده وتذكر سناءاتك برجالاتك
أشخاص ساعدوك فى حياتك وأعترف ليهم بكده
أشخاص حربوك فى حياتك وسامحهم وأعرف أن وراء كل سلوك توجد نيه ايجابيه
وأخيرا الفرق بين 2010 و 2011 دقيقه ياريت تكون دقيقه من السجود لله
دقيقه واحده بننهى بيها سنه ونبدأ بيها سنه
بنسامح بيها الماضى وناخد منه الخبره ونقابل بيها المستقبل بحب ورضا
دقيقه سجود ومناجاه مع الله أعترف فيها بغلطك وقرر مع ربك هتعمل أيه فى 2011

وسناءاتك برجالاتك
وكل عام وانتم بخير وحب وصحه

محمد زكريا
31 - 12 - 2010

عام جديد سعيد على الجميع

ياحلوه الكوابيس

وانت نايم ممكن يحصلك الأتى




حلم - رؤيه - كابوس - أو نوم بلا أى أحلام أو رؤى أو كوابيس
الرؤيه خير من الله سبحانه وتعالى ولها شروط
الحلم من الشيطان ورواسب النفس
ولو ماحصلش ولا رؤيه ولا حلم دا شىء عادى


أنما بقى لو فى كابوس دا معناه أيه وهل دا خير ولا شر طيب وشرعا أتصرف أزاى مع الكوابيس



دا أسئله مهمه خصوصا وأن فى ناس بتحلم وتكوبس كل يوم

طيب لو جالك كل يوم كوابيس دا معناه أيه
موضوع مهم عايز اتكلم فيه بس النهارده عن الكوابيس بس أنما الاحلام والرؤى ليها نوت خاص



أزاى الكوابيس بتحصل



خلال يومنا بنمر بثلاث مراحل البيتا والالفا والثيتا والدلتا



البيتا هى مرحله اليقظه أو اليوم العادى ومعاملتك مع الناس ومشاكلك وشغلك وبيتك



الألفا أول مرحله من مراحل النوم بتحصل لما تبدأ فى النوم أو تسرح قوى أو تنام شويه

فى مواصله وأنت حاسس بكل شىء حواليك



أما الثيتا هى مرحله النوم واللى بيحصل فيها المعالجه العقليه لمشاكل اليوم



وتقفيل الملفات العقليه للتمتع بالنوم وهى اللى بيحصل فيها الكوابيس



مرحله الدلتا النوم العميق



فى مرحله الثيتا وبالظبط عند غلق الملفات العقليه للتمتع بالنوم بيحصل حاجه غريبه



فى ملفات معينه ومشاكل العقل مش بيعرف يقفلها وفى نفس الوقت دى طاقه كبيره على العقل



فبيتصرف العقل بذكاء يخرجها على هيئه كوابيس



وهنا يرتاح العقل بخروج الطاقه السلبيه اللى ممكن تأذيه ويدخل فى مرحله الدلتا أو النوم







هنا بقى يجيى التعامل مع الكوابيس



واحد مننا يقوم من النوم يقول خير اللهم أجعله خير ومايحكيش الحلم



وواحد تانى يقول خير اللهم أجعله خير ويحكى الحلم



أيهما أصح







فى حاله حكى الحلم ( الكابوس ) اللى بيحصل أن حضرتك بتبدأ فى فتح الملفات العقليه



السلبيه مره تانيه فكأن العقل لم يتخلص منها



سبحان الله العقل مبرمج على الذكاء والحفاظ على صحتك والأنسان مبرمج برمجه سلبيه







هنا بقى عظمه النبى محمد (ص) لما نهى أى أنسان يحلم حلم سىء (كابوس ) أن يحكيه



لذلك من اليوم لو حلمت بأى كابوس أحمد ربنا وماتحكيش لحد



لأن على قد ما هتحكى على قد ما هيحصل الكوابيس ووقتها لا تلوم اللى نفس


أتمنالكم أحلام سعيده

محمد زكريا



19 - 12 - 2010



http://www.facebook.com/pages/Trainer-mohamed-zakaria-almdrb-mhmd-zkrya/171423026221134







للأمانه العلميه معلومه الكوابيس وغلق الملفات سمعتها لدكتور عنتر سليمان

12- 12 - 2010

اليوم 12 - 12 -2010أرقد على فراش الموت ولكنى أردت أن أجمع أبنائى لكى أبوح لهم عن السركما ترى فهذا بيتى المتواضع الذى يوضح مستويا الاجتماعى المتوسط وهولاء أبنائى الثلاث محمد وهو على اسم جده وخالد وأسمه بناءا على رغبه والدته الله يرحمهاوعلاء أخر العنقود وهو طالب جامعى اليوم أجمعهم لكى أبوح لهم عن السر العظيم فى حياتىقبل أن أعرفهم بالسر أود أن أعرفكم بنفسى أحمد محمد السيد عجوز لم يحقق حلمه مواليد 1947 أبلغ من السن 63 عام عندما كنت شاب وبالتحديد عام 1968 بلغت 21 سنه وكان يطاردنى حلم الثروه والغنىوكل ما أريده من الدنيا تغير سكنى هذا الذى أسكن به عام 68 ولا تستعجب أن كان نفس السكن فى عام 68 هو سكن 2010 لم أحقق حلمى واليوم وأنا على فراش الموت أريد ان يعلم كل الناس بسر الدنيا وكيف تحقق حلمك ليس من الصحيح أن الناجحون فقط من يعلموك النجاح لأن الفاشلون يعلمونك تجنب الفشلنويت النجاح والتغيير حلمى التميز مساعده الناس تغيير الواقع للأفضل وكلها احلام مشروعهمعى شبابى وجهدى وعلمى وذكائى وكل أدوات النجاح تعلمت من الدنيا ومن الأخرين أن للنجاح شروط وهى الصبر - حب الناس - التفاؤل - الايجابيه - عمل الخير وهى فعلا أدوات حقيقيه للنجاح ولكنها لم تأخذ بى للنجاح صبرت طيله حياتى على حلمى أردت بكل قوتى تغير سكنى البسيط للسكن الذى أحلم به ولكن الصبر لم يحققى شىءأحببت الناس من قلبى ساعدتهم وساعدونى وقفت معهم فى أحزانهم وأفراحهمكنت لهم الاخ والصديق والونس ولازلت أتونس بهم فى نفس البيت المتواضعأما عن التفاؤل فأنا كثير الضحك أرغب ان يكون بكره أحسن ... حتى هذا السلاح لم يصبأحقا هى أدوات النجاح أم أنها مجرد كلمات أحساسى عالى بانهم لم يفيدونى فى حياتىكيف أصبر وكيف أتفائل ولا أصل لأبسط أحلامىواليوم وانا أموت هل سأصل لحلمى فى الاخره هل سينفعنى تفاؤلى ام ذنوبى ستمنعنىأما عن الايجابيه فحدث ولا خجل فانا المتخيل الذكى الراغب فى التغيير الصامد للحياهالقادر عليها الوفى فى عهدى لنفسى بالتفكير الايجابى ولكن نفسى والزمن خذالونى كيف لمثلى الا يحقق حلمهأظالمه الحياه ولكن لما تظلمنى وانا الذى أحبها أظالم أنا لنفسى وكيف أعرفمن المؤسف أن يعلم الشخص خطأه فقط وهو يموت ولكن ما يجعلنى أأخذ حقى الأن أن أخبركم بخطأىأحببت الخير وكان سبيلى .. فعملى خير وحبى للناس خير ومساعده الغير خير والدعاء للاخرين خيروزوجتى خير وأبنائى خير وموتى وصل للخيرأبنائى الاعزاء لم أفلح فى حياتى ولم أستطع تغيير بيتى المتواضع رغم صبرى وحبى للناس وحبهم لىورغم رغبتى المتفائله وتفكيرى الأيجابى وعملى للخير وحب الغيررغم ذالك لم أنجح هل العيب فى الدنيا أم بداخلى هل كل مانسمعه شعارات وكلمات رنانه عن قوه هذه الاسباب ولكن الحقيقه غيرهل عشت عمرى مخدوع مخذول أم ماذا أسئله كثيره لم أجد أجابتها فى حياتى حاربت الدنيا وحاربتنا فى كل جزء من جسدى علامه وسهم من الدنيا فى ساحه الدنيا الكبيره صارعتها وأرغمتها ولكنى لم اخذ حقى منهاكيف أحقق كل قواعد النجاح ولم أنجح أين العدلكيف أسير فى الطريق الصحيح ولم أصل أين المصداقيهكيف أحب الدنيا وتكرهنى أين رد الفعل كيف لى وكيف للأخرين أن لا يحققوا أحلامهمواليوم وانا على فراش الموت أخبركم بأخر ما أستطيع أن أخبركم لم أقدر على توفير المال لكم ولكن ما أستطيع أن أهبه لكم كلمه واحده لم أكن أتحلى بها كلمه واخده جعلت صبرى مقت وحبى للناس مجرد وسيله وليست هدف وحبا للهوتفاؤلى مجرد كلمات خاليه من الشعور والثقه بالله وجعلت من ايجابيه قله حيلهومن عمل الخير أضطرارا لأخر وسيله أملكها أنا فعلا عملت كل شىء يصل بى للنجاح ولم أنجح لأننى لن أملك..........الرضا .......... فالرضا أول خطوات النجاح ولا يمكن أن تنجح بدون أساساليوم أموت وأترك ثروتى لكم أرضوا بحلكم تعمل معكم كل القوانينفكل شىء فى الكون قائم على الرضا أن أحسسته وأحببته عملت كل القوانينوأن تخليت عنه وتركته أنهارت كل القوانينأولادى أرضوا بحلكم ترضى عنكم الدنيا أغلب الدنيا بالرضا حقق الحب بالرضاتركت لكم الرضا وسؤالى الان لكم ماذا ستفعلوا ؟؟؟محمد زكريا 12-12-2010

ايها المدربون النائمون تحت التراب

حاله حب
كل اللى بيمر بحاله حب هيحس باللى بكتبه دلوقتى وكل اللى بيحب الحب للحب هيعرف مشاعرى
وكل اللى بيحب شغله أكتر واحد هيحس بكلماتى وسطورى

بدأت ومستمر فى تدريب التنميه البشريه لسبب بسيط حبى ليها وأنها المجال الأفضل
لطرح أفكارى ومساعده الاخرين وهذه قمه السعاده

تأملت حال مدربين التنميه البشريه أخير وأخص اليوم بالذكر المدربين الجدد فقط
الذين لم يلمع أسمائهم حتى الأن والذين يدربون من فتره بسيطه
واليوم لم أذكر أسماء أحتراما لهم ولاحلامهم

اللى يتابع حال التنميه البشريه يستغرب دى حاجه كويسه ولا فهلوا
دى خير ولا شر دى بتغير الشباب ولا بتنيم عقولهم
لذلك اليوم ساكون حيادى قدر المستطاع سأفرز سمى وعسلى فى نفس الوقت
سخطى ورضاى

التنميه البشريه مدارس ولكل مدرسه أحترامها وذلك ما بينته فى نوت جبال وأفكار
أكتب لكل مدرب شاب جديد بهذا المجال لحرصى عليك وحبى لك سوا أعرفك أم لا

فى مدربين جداد بدأوا يظهروا وهم صوره جميله ومشرفه أخذوا العلم ونقلوه بطريقتهم
وبأسلوبهم ومنهم الكثير وأخص منهم بالذكر المدرب عبدالرحمن فتحى
موهبه جديده جميله أدعوا أن يستمر كما بدأ وأن يطور من نفسه

ولكن لا اخفى عليكم فهناك الكثيرين من الشباب أعتقد أنهم حافظين مش فاهمين
حضرت لمدرب جديد وحزنت حزن شديد
حزنت عليه مش على حال المدربين لأن التدريب ملىء بالعملاقه

فى مدربين بيدخلوا يدربوا علشان يضحكوا الناس عفوا ياصديقى أنت لست أراجوز
أرجوك أعرف ذاتك جيدا
خفه الدم مجرد أداء من أداوات المدرب وهى أداء نسبيه تختلف من شخص لأخر
فلا يمكن أن نلوى دراع الماده العلميه ونستخف بها ويصبح كل التدريب مجرد ضحات
ولا يخرج المتدرب بشىء من أين يأتى التغير سيدى

ليه المدربين الجداد بيحاولوا يكونوا صوره كربونيه من د / أبراهيم الفقى
طيب لو أنت بتقلد الفقى هروحلك ليه ما أنا عندى الأصل
دايما بقول أن الفرق بين د / أبراهيم الفقى وكل المدربين أن الفقى أسطوره
قد يأتى مدرب أفضل منه وقد يكون موجود بالفعل لكن الفقى أسطوره
والأسطوره صعب تكرارهاوالفقى أصعب تكراره بنفس الصوره
لكل واحد بصمه
بصمه أيد وصوت وأخيرا بصمه طاقيه ( طاقه ) ولن تكون مثل غيرك مائه بالمائه
عزيزى كن أنت

ولكن أيضا رأى مجرد رأى خاص بى ولا يمكن أن أتحامل أو أحكم على شاب يملك
أحلام وطموح قد يكون ضعيف اليوم أسطوره الغد
لكن أكتم رائى بداخلى وحزنى بداخلى وانظر لمحبوبتى وهى تهمس لى فى صمت
متى يتبدل الحال

منطقنا عن التدريب قد يكون مضحك ومبكى فى الوقت نفسه الأن
لكى تكون مدرب يجب ان تكون معتمد من أحد الاماكن المعترف بها وأن تكون بتاع كله
سوبر مان يعنى مع حفظ شويه نكت
أن تكون معتمدا من أحد المؤسسات فهذا أول الطريق وليس أخره
أن تأثر فى الناس بالقصص التى تخلع القلب فهى أداه من الأدوات وأن تضحك الجميع
فهى أداه وليست أفتراضيه حتميه ولا يوجد المدرب السوبر مان بتاع كله
لكن سوبر مان أو الممثل الأمريكى كريستوفر شل عام 1996 وأصبح ذكره
وأخشى أن تكون كذالك أنت

أصدقائى المدربين التدريب من أول أصوله وقواعده
أن تعلم أنك مكان سيد الخلق رسول الله فهل تستخف بعقول الناس أم تحفظ نعمه
كبيره أختارك الله لها دون الأخرين
كذالك التواضع فالكبر صفه الأغبياء
والبساطه لسنا علماء بالقدر الكافى لكى نميز أنفسنا عن الأخرين
ولن نكون مميزين الا أذا تواضعنا فقدرك فى بساطك وغباءك فى تكبرك على الناس
فالأن أنت بنعمه الله وحده يعلم أين ستكون غدا

أدرس وتعلم وأعتمد من أكثر من مدرسه وراعى الله فى كلماتك وأعلم أن الله أستأمنك على عقول
الناس فأتقى الله فيها

الدور على المدربين المتميزين أحنا عندنا شباب جميله جدا ومدربين بمعنى الكلمه
بس للأسف مختفين تحت التراب ودا مش راجع للمجتمع ولا ذوق المتدربين أنما راجع
لخفوت صوتهم أدعوكم جميعا أعلوا صوتكم دربوا قولى حاجه أنشروا اللى عندكم
ولو كل المجتمع شر أضيؤا شمعه الخير
تعرفون انفسكم جميعا ولا أحرج عندما أوجه كلامى للمدرب مصطفى حسان وأقول له أين أنت
أصدقائى المتميزين أين أنتم اليوم أرجوكم أفيقوا من تحت التراب

أما المتدربين
لا تخدعوا بالكلمات الرنانه والضحكات والمؤثرات العاطفيه وراجع بعد كل كورس
ماذا أستفدت فالمدرب الذى يفيدك هو من يجعلك تأخذ قرار أرجوكم ساعد فى نشر العلم

كذلك للمتدربين أرجوكم لا تسخروا من أى مدرب حتى وأن كان يحبوا فهو أنسان
يحمل طموح وأمال ويكفى أن اعلانها وشارك فى نشر الخير
ساعدوه وقوى حلمه وزي ما هو بيحاول يساعدك حاول تساعده وتدعمه
بلاش نتكلم عن المدربين بالسلب حتى لا يتهموا بالنصب فيأخذ فى ذلك صاحب النيه والرساله
وركزوا دايما على الايجابين وأصحاب الرساله وأترك من لا يعجبك فقد يعجب غيرك
ومن يهاجم لمجرد الهجوم تذكر دائما
من قال هلك الناس فهو أهلكهم


وأخيرا كل مايحدث هذا خير والله يريد ان يأخذ بأيدنا للهدى وأن يسعدنا
وأختلافنا رحمه لو كنا جميعا متفقين لأنتحارنا من الملل

والله أعلم أنى كتبت ذلك فقط لحبى لهذا المجال
وربنا يرزقنا الإخلاص

مع أيه أصغر مدربه تنميه بشريه معتمده من المركز الكندى بمصر 13 سنه

الحلم

الحلم كلمه بتعدى علينا كتير ممن متهمكش وممكن تفسرها بخيالك
وممكن تمسك وممكن تعيش جواها وممكن عينيك تدمع من قوه حلمك

الحلم كلمه صغيره لحياه كبيره خطوه صغيره لمستقبل مختلف
وكلنا بنحلم بس اللى بيكمل بس هو اللى بنصقفله
واللى بيصر على حلمه بنشيله على اعناقنا واللى حلمه بيأثر فينا
بنديله الزعامه

بقالى فتره عمال أشوف أحلام مختلفه وكذا كذا مجال
مدرب تنميه بشريه نفسه يبقى معروف ومشهور
ملحن بيلحن ببلاش ونفسه كل ودن فى الدنيا تضحكله
ممثل عينيه بتلمع شايف مستقبله وأحلامه قدامه
ديزينر أحلامه كبيره عايز العالميه
محفظ قرأن عايز الأجر والثواب والجنه

وشايف واحد محتار مش عارف يعمل أيه ويروح فين
وواحد عنده بدل الحلم عشره ومش منين البدايه
وواحد من كتر ما حلم خاف يحلم
وواحد من كتر الناس اللى بتهدمه بيقى أقوى وتانى بيسلم وتالت
يستغنى عن جزء من أحلامه واللى بيقف قدام الريح
واللى بيمشى مع الريح واللى ميعرفش الريح لحد ما تكسره

ليه كده
ليه كل دا علشان كلمه واحد ..... الحلم

أبراهيم خطاب من المدربين اللى ليهم مستقبل ورسالته فى الدنيا
نشر ثقافه الحلم .... أحييك يا أبراهيم

واحد صحابنا بيسافر كل يوم علشان يكون من الممثلين والمشاهير
ومن خريجى ورشه خالد جلال ..... أحترم حلمك

شركه تدريب عايزين يعملوا حاجه وبيوقعوا ويوقفوا
ويشتغلوا فى أضيق الحدود المتاحه .... ربنا معاكوا

هند عبدالفتاح حرمها الله نعمه البصر وأعطاها نعمه الحلم
كثير من الناس يرى وقله تحلم .... هند أدعوا لكى بالجنه

محمد يونس شاب حلمه التدريب رغم أعاقته التى كانت
سبب فى قوته كم أسعد لطموحه .... يونس عاشق المستحيل

رشا خليفه وسامر ضيف ونهاد رجب وشاكر وأمين وأسلام ووليدحماد
وكل من أعرفه وأعرف حلمه
كل من أراه يحقق خطوه فى حلمه
أحييك

أما أنت قارىء الكلمات قد أكون أعرفك وقد يكون لا
رغم ذلك أحترمك لقرأتك الكلمات
وأنا من جمهورك عندما تحقق حلمك

وتذكر دائما
الحلم رساله
والرساله أمانه
والامانع خير
ومن الخير أن تحلم


محمد زكريا
18 - 10 -2010

http://www.facebook.com/pages/mhby-mhmd-zkrya/71865288364?ref=ts

يبنى الأنسان الحاجه ولما تكبر يهرب عنها ويخاف منها ويوهم نفسه أنه معملهاش يحكمه بيها اللى معملهاش يهدوا بالشىء اللى بناه ودا يمشى ودارجله لسه واقفا مانقلهاش ولا دا يموت ولا دا العايش عاش