ممكن أوفرلك 4100 ج وكمان ترضى ربنا وتحافظ على صحتك

النهارده عيد ميلادى علشان كده جايبلكم عرض لا يقاوم

واحد صحبى شغال فى شركه تسويق مباشر
عرض عليا أشترى جهاز طاقه الجهاز دا له فوائد رهيبه
بينقى المياه اللى بتشربها ويعيد تجميع جزيئاتها
بيظبط الهاله حول الجسم
بيساعدك على قوه أرسال الموجات الكهرومغناطيسيه من المخ
وأسمه البيوديسك

لما سألته طب ودا ثمنه كام قالى 700 دولار بالمصرى بعد المصاريف الاداريه والشحن
حوالى 4100 ج مصرى
الجهاز معاه برائه أختراع لعالم اجنبى
وفكرت الجهاز أن العالم دا عرف مكان المكان دا فيه شلالات من المياه
اللى بيشرب منها أو بيتعامل معاها بيشفى من الأمراض ودا لان جزيئات المياه متماسكه جدا
وغير ملوثه كذالك لطبيعه التربه والمكان
المهم العالم دا عمل أبحاثه ودمج التربه بطرق ربط جزيئات المياه عن طريق الجهاز العجيب
أيه رأيك بقى

ما تيجى نوفر
هل تعلم أنك لو سميت الله قبل الشرب تترابط جزئيات المياه وتكون شافيه باءذن الله
وتعمل بمفعول أقوى من الجهاز ويزيد قوه المفعول مع قوه النيه الخالصه لله

هل تعلم أن ذكر اسم الله لفظ الجلاله بيظبط هاله الجسم وبيريح الطاقه ويطرد الهم والقلق من القلب

هل تعلم أن الوضوء بيضبط هاله الجسم ويكبرها أكثرمن أى تدريب أو أى أجهزه

هل تعلم أن دعائك للأخرين يزيد من قدرتك من أرسال موجاتك الكهرومغناطيسيه


ماتيجى نخلص لربنا
يبقى الأفضل تكون نيتنا لله العزيز وندعوه يدينا ويمن علينا من علمه

ما تيجى نحسبها
أدفع 4100 ج فى جهاز وممكن يضيع منى أو أنساه
أو أذكر الله وأخلص النيه وعمرى ما أضيع من ربنا
كمان معايا لسانى والأهم نياتى يعنى عمرى ما أنساهم

الحقيقه
هى حسبه أحسبها صح تعيشها صح
أنا عارف هعمل أيه واتاجر مع مين
أنت أيه أخبارك


محمد زكريا
27 - 3 - 2010


الفان بيدج
http://www.facebook.com/profile.php?id=100000586566041#!/pages/Trainer-mohamed-zakaria-%D8%A7%D9%84%D9%85%D8%AF%D8%B1%D8%A8-%D9%85%D8%AD%D9%85%D8%AF-%D8%B2%D9%83%D8%B1%D9%8A%D8%A7/171423026221134

لايك وشير
فيد واستفيد
(:
منتظر لاى سؤال او استفسار على حائط  الفان بيدج