السلام عليكم ورحمه الله وبركاته
المره دى مش عارف اللى كاتبه دا نوت ولا دردشه ولا يمكن فضفضه
معنى غريب بحس بيه وبتشد ليه ومش عارف هو أنا لوحدى كده ولا كل الناس
يعنى متعودين لما نسمع أغنيه وخصوصا لو رومانسيه نروح بخيالنا لحبيبنا
ونشوفه ونتخيله ونفتكر أول لحظات معاه وشريط طويل من الرومانسيه
معايا الدنيا مش كده أنا أى أغنيه بتفكرنى بحبيبتى وملهمتى وحياتى أسمها
التنميه البشريه
فيلم ظرف طارق من الأفلام اللى بعشقها وخصوصا أخر الفيلم فى أغنيه
تامر حسنى هوصلك اللى المفروض بيغنيها لنور
أنا دايما لما تيجى الحته دى من الفيلم أفتكر التنميه البشريه
وكل مره أقول مش هخاف المره دى ضاع من عمرى سنين فى الخوف
مش هكون أنسان عادى أنا هتحدى أى ظروف
وأول ما يقول هوصلك أتخيل التنميه البشريه بنت جميله مدا أيدها
وأنا طالع لها وبوصل لها
أحلام .. أهداف ... طموح .... هوصلها يعنى هوصلها باءذن الله
يمكن فى كمان أغانى تانيه كتيره زى حدوته مصريه الأغنيه اللى بحس أنها
معموله عشانى الأغنيه اللى بتخلينى أكمل رغم كل التحديات
طبعا مع أغانى عبدالحليم الوطنيه وخصوصا أغانيه لــ عبدالناصر
الغريب أنى كنت مره حاضر درس لمصطفى حسنى فى الحصرى وقال كل ما أسمع
تملى معاك فى الشارع صدفه طبعا بيقول بحس انى بقولها لربنا وأدعيه أكون
دايما تملى معاه
الحقيقه مش عارف دا يبقى أيه
هل ممكن الأنسان يحب حاجه للدرجه دى ويستمتع قوى فى العمل بيها
سبحان الله
حاجه تانيه ودى بقى عن تحديات الحياه أو بالمعنى الصحيح عن قدره الله سبحانه وتعالى
سبحان الله ربنا لما يحب يختبر أنسان أو يبتليه بيختبره فى الحاجه القوى والمميز فيها
يعنى مثلا ممكن تكون أحسن دكتور فى الدنيا بتعالج القلوب وتموت بالقلب
ممكن تكون أفضل واحد فى حاجه وتموت أو تختبر فيها
ودا اللى حصلى الشهرين اللى فاتوا حاجه غريبه جدا
عدوا معايا
أتصال من أحد الأشخاص أزيك يامحمد
أنا الله يسلمك عايز أقولك ندوه جامعه القاهره أتلغت
أنا أوك شكرا
لحد كده كويس أنما اللى بعده
ألو ندوه أسكندريه أتأجلت
ألو ندوه المنصورة أتلغت
ألو ندوه جامعه حلوان أتلغت
ألو اللقاء التلفزيونى أتلغى
ألو كورس أسكندريه مش هينفع يتعمل
ألو كورس المنصوره أتلغى
ألو أمسيه أسيوط مش هتتعمل
ألو كورس م نصر حصل ظروف وأتأجل
ألو المطبعه خدت الفلوس ومجبتش المطبوعات
حتى المحامى
ألو ورق السفر فى مشاكل ومش هينفع تسافر الأردن
ألو محمد شاكر رجع من المطار ومش هينفع يسافر
مش بس كده كاميرا جديده بكذا ألف لسه ماكملتش شهر ضاعت فى المواصلات
وبعد دا كله واحد يركز عليه على الفيس بوك ويشتمنى وطبعا ماديتوش أى
أهتمام لأنه أكيد واحد فاشل
وفى حاجات تانيه كتير وكل مره أقول الحمد لله وأبص للسما أكيد فى حكمه
واحد صحبى أسمه أحمد عبدالمعطى كاتب عنده جمله جميله قوى بتقول
فى اليوم الذى لا تواجه فيه اى مشاكل ..... تاكد انك فى الطريق الغير صحيح
ودلوقتى بحاول أعرف الحكمه اللى هى ممكن يكون أختبار أو تطهير للذنوب
واللى متأكد منه أن ربنا بيثبت قدرته وجبرواته
وعايز يقولى رغم أنك أفضل واحد بيطبق قانون الجذب
ورغم أنك بتعلمه للناس
أنا هوقفهولك علشان أعرفك أن اللى بأيده ملكوت الأمور أنا
وقانون الجذب مجرد سبب
وأنا متأكد من كده وعايز أطمنكم أن القانون صالحنى دلوقتى وشغااااااااااااال
بس هفضل طول عمرى أقول
كل الأمور فى أيد ربنا هو المتحكم فيها وقانون الجذب مجرد سبب
أوصيكم بالشكر
الشكر بجد بيخرج من الضيق
وبيفتح الأفاق
المره دى مش عارف اللى كاتبه دا نوت ولا دردشه ولا يمكن فضفضه
معنى غريب بحس بيه وبتشد ليه ومش عارف هو أنا لوحدى كده ولا كل الناس
يعنى متعودين لما نسمع أغنيه وخصوصا لو رومانسيه نروح بخيالنا لحبيبنا
ونشوفه ونتخيله ونفتكر أول لحظات معاه وشريط طويل من الرومانسيه
معايا الدنيا مش كده أنا أى أغنيه بتفكرنى بحبيبتى وملهمتى وحياتى أسمها
التنميه البشريه
فيلم ظرف طارق من الأفلام اللى بعشقها وخصوصا أخر الفيلم فى أغنيه
تامر حسنى هوصلك اللى المفروض بيغنيها لنور
أنا دايما لما تيجى الحته دى من الفيلم أفتكر التنميه البشريه
وكل مره أقول مش هخاف المره دى ضاع من عمرى سنين فى الخوف
مش هكون أنسان عادى أنا هتحدى أى ظروف
وأول ما يقول هوصلك أتخيل التنميه البشريه بنت جميله مدا أيدها
وأنا طالع لها وبوصل لها
أحلام .. أهداف ... طموح .... هوصلها يعنى هوصلها باءذن الله
يمكن فى كمان أغانى تانيه كتيره زى حدوته مصريه الأغنيه اللى بحس أنها
معموله عشانى الأغنيه اللى بتخلينى أكمل رغم كل التحديات
طبعا مع أغانى عبدالحليم الوطنيه وخصوصا أغانيه لــ عبدالناصر
الغريب أنى كنت مره حاضر درس لمصطفى حسنى فى الحصرى وقال كل ما أسمع
تملى معاك فى الشارع صدفه طبعا بيقول بحس انى بقولها لربنا وأدعيه أكون
دايما تملى معاه
الحقيقه مش عارف دا يبقى أيه
هل ممكن الأنسان يحب حاجه للدرجه دى ويستمتع قوى فى العمل بيها
سبحان الله
حاجه تانيه ودى بقى عن تحديات الحياه أو بالمعنى الصحيح عن قدره الله سبحانه وتعالى
سبحان الله ربنا لما يحب يختبر أنسان أو يبتليه بيختبره فى الحاجه القوى والمميز فيها
يعنى مثلا ممكن تكون أحسن دكتور فى الدنيا بتعالج القلوب وتموت بالقلب
ممكن تكون أفضل واحد فى حاجه وتموت أو تختبر فيها
ودا اللى حصلى الشهرين اللى فاتوا حاجه غريبه جدا
عدوا معايا
أتصال من أحد الأشخاص أزيك يامحمد
أنا الله يسلمك عايز أقولك ندوه جامعه القاهره أتلغت
أنا أوك شكرا
لحد كده كويس أنما اللى بعده
ألو ندوه أسكندريه أتأجلت
ألو ندوه المنصورة أتلغت
ألو ندوه جامعه حلوان أتلغت
ألو اللقاء التلفزيونى أتلغى
ألو كورس أسكندريه مش هينفع يتعمل
ألو كورس المنصوره أتلغى
ألو أمسيه أسيوط مش هتتعمل
ألو كورس م نصر حصل ظروف وأتأجل
ألو المطبعه خدت الفلوس ومجبتش المطبوعات
حتى المحامى
ألو ورق السفر فى مشاكل ومش هينفع تسافر الأردن
ألو محمد شاكر رجع من المطار ومش هينفع يسافر
مش بس كده كاميرا جديده بكذا ألف لسه ماكملتش شهر ضاعت فى المواصلات
وبعد دا كله واحد يركز عليه على الفيس بوك ويشتمنى وطبعا ماديتوش أى
أهتمام لأنه أكيد واحد فاشل
وفى حاجات تانيه كتير وكل مره أقول الحمد لله وأبص للسما أكيد فى حكمه
واحد صحبى أسمه أحمد عبدالمعطى كاتب عنده جمله جميله قوى بتقول
فى اليوم الذى لا تواجه فيه اى مشاكل ..... تاكد انك فى الطريق الغير صحيح
ودلوقتى بحاول أعرف الحكمه اللى هى ممكن يكون أختبار أو تطهير للذنوب
واللى متأكد منه أن ربنا بيثبت قدرته وجبرواته
وعايز يقولى رغم أنك أفضل واحد بيطبق قانون الجذب
ورغم أنك بتعلمه للناس
أنا هوقفهولك علشان أعرفك أن اللى بأيده ملكوت الأمور أنا
وقانون الجذب مجرد سبب
وأنا متأكد من كده وعايز أطمنكم أن القانون صالحنى دلوقتى وشغااااااااااااال
بس هفضل طول عمرى أقول
كل الأمور فى أيد ربنا هو المتحكم فيها وقانون الجذب مجرد سبب
أوصيكم بالشكر
الشكر بجد بيخرج من الضيق
وبيفتح الأفاق
من لم يأتى على الدنيا بزياده ..... فهو عليها زياده
0 التعليقات:
إرسال تعليق